Tselatra

    • mercredi, 19 juin 2019 21:44
    • Sary Gasypatriote Toamasina

    Toamasina: Lanonana ara-miaramila famindram-pibaikoana

    Tontosa androany ny famindram-pibaikona teo amin'ny Jeneraly Rakotoniaina Jeannot, misolo an'i Jeneraly Raveloson Romel eo anivon'ny Rezimanta Miaramila faha-3 (RM3) ; ny Kolonely Ralaimampandry Benoit, misolo an'i Kolonely Rahajandrainy Dieu Donné Parfait eo anivon'ny Jenia Miaramila faharoa, ary ny Kolonely Randrianarison Elisa Lalaina, misolo ny Kolonely Andriamifidy Andy Patrick eo anivon'ny 1/RM3. Nampiasaina nandritra ity lanonana ara-miaramila ity ihany koa ny ampahany amin'ireo fiara 4x4 vaovao an'ny foloalindahy. (Jereo Sary Tohiny)  
    Lire la suite ...
    • mercredi, 19 juin 2019 21:25
    • Sary Présidence

    Solika: Hihena 100 ariary ny lasantsy

    Nivory nandritra ny 3 andro niaraka tamin'ny Filoha Andry Rajoelina ireo mpisehatra rehetra momba ny solika. Tapaka tamin'izany fa hihena 500 ariary ny vidin’ny solika fandrehitra na pétrole, ny gasoil dia hihena 150 ariary, ary ny lasantsy dia hihena 100 ariary. Raha tamin'ny 04 desambra 2018 ny vidin'ny solika: Solika fandrehitra 2630 ariaryGazoaly: 3550 ariaryLasantsy: 4200 ariary Dia ho lasa: Solika fandrehitra: 2130 ariaryGazoaly: 3400 ariaryLasantsy: 4100 ariary
    Lire la suite ...
    • mercredi, 19 juin 2019 11:28

    Fandriampahalemana: Manana 24 ora ireo mitazona basy tsy ara-dalàna hamerina izany amin’ny mpitandro filaminana

    Tapitra rahampitso 20 jona 2019 ny fe-potoana nomen’ny Fanjakana ireo rehetra mitazona basy tsy ara-dalàna hamerina izany eny amin’ny mpitandro ny filaminana fa tsy misy arakaraka. Dahalo maro tamin’iny Distrikan’i Isandra, faritra Matsiatra Ambony iny, no nanapa-kevita namerina ireo basy tany aminy. Tombanana ho 6.000 eo ny isan’ny sivily izay manana taratasy fahazoan-dalàna hitazona fitaovam-piadiana eto Madagasikara. Betsaka amin’ireo anefa no tsy mazava hoe basy avy aiza ary karazany inona izy ireo. Ho hentitra amin’ny fampiharana lalàna ny Fanjakana ho an’izay tratra aorian’ny 20 jona, fe-potoana nanomezana famindrampo.  
    Lire la suite ...
    • mardi, 18 juin 2019 20:18
    • Sary Gasypatriote Toamasina

    DRCC Analanjirofo: Nanolo-tanana amin’ny fampitaovana ireo zanaky ny faritra

    Taorian'ny fametrahana an'i Ndiamahazo Mickaelys Kamy ho Talem-paritry ny serasera sy kolontsaina (DRCC) ao Analanjirofo, dia miditra an-tsehatra manampy ara-pitaovana ireo fikambanana samihafa amin'ny maha zanak'Analanjirofo an'i Ndiamahazo Mickaelys Kamy. Nanolotra solosaina efatra ho an’ny DRCC Analanjirofo ny LCDM, izay fikambanana manampy ireo olona voan'ny aretina “drépanocytose”, izay miara-miasa amin'ny Université Paris-Sud any Frantsa. Nitondra anjara biriky ihany koa Atoa Félix, izay zanak’i Fenoarivo Atsinanana, izay mahatsiaro manana adidy amin'ny fampiroboroboana ny lafin'ny serasera sy ny kolontsaina any an-toerana tamin'ny fanomezana solosaina entin-tanana sy fandraisam-peo ary fanamafisam-peo samihafa ihany koa.  
    Lire la suite ...
    • mardi, 18 juin 2019 20:06
    • Sary nindramina

    Ambatofinandrahana: Nankahery ireo andian-tafika tany an-toerana ny Jeneraly Richard Rakotonirina

    Manomboka miverina amin’ny laoniny ny fandriampahalemana raha ny fiainan’ny vahoaka andavanandro amin’ireo faritra mena amin’ny tsy fandriampahalemana. Nivoitra io tamin’ny fidinana ifotony nataon’ny Minisitry ny Fiarovam-pirenena, ny Jeneraly Richard Rakotonirina tamin’ireo faritra nametrahana ny andian-tafika ZRPS (Zone Rurale Prioritaire de Sécurité). Ambatofinandrahana sy ny manodidina azy no notsidihiny ny herinandro teo. Nankahery ireo andian-tafika tany an-toerana ny tenany, ary koa nijery ny toerana ahafahana mametraka ny Tobim-pamaharana na ny « Base Opérationnelle Avancée ». (Jereo Sary Tohiny)  
    Lire la suite ...
    • mardi, 18 juin 2019 19:54
    • Sary nindramina

    Tanambao-Daoud: Tovolahy mpivahiny roa matin’ny fitsaram-bahoaka

    Fahafatesana tovovavy iray tamin’ny fomba feno habibiana tao Andramanolotra no niafara tamin’ity fitsaram-bahoaka ity. Nanjavona tsy hita ilay tovovavy tamin'ny herinandro lasa teo iny. Izy efa maty tamin'ny fomba feno habibiana vao hita, ary ny loza dia nasaly tamin'ny afo ity fatim-behivavy ity. Voasambotra omaly ireto roalahy voarohirohy tamin'izany ka notazonina vonjimaika tao amin'ny biraon’ny Kaominina Tanambao-Daoud Sambava. Tonga tao ny fianakavian’ilay tovovavy androany dia nangataka ny hanolorana amin'izy ireo ny namono ny havan'izy ireo. Tsy nety ny Ben’ny tanàna Totofeno Modeste Philbert fa nandrara satria tsy mety ny fitsaram-bahoaka. Rehefa izay dia niditra an-keriny tao amin’ny efitra nitazonana azy roalahy ny andian’olona nentin-katezerana dia fitsaram-bahoaka no niafarany. Nampandrenesina ny zava-misy ny Zandarimaria ary nandefa iraka haingana any an-toerana. (Jereo Sary Tohiny)  
    Lire la suite ...
    • mardi, 18 juin 2019 19:42
    • Sary: Lala Randriatianarivo

    Kohen Rivo Lala : “Amin’ny 2023 indray mihaona !”

    Amin’ny 2023 indray mihaona. Mbola hanolotena ihany i Kohen amin’ny 2023 ho filoham-pirenena. Fanambarana nataon’i Lala Randriatianarivo, fantatra amin’ny anarana hoe Kohen Rivo Lala, ao amin’ny pejy fesibokiny io. Kandida solombavambahoaka farany teo, tao Antsirabe II, i Kohen Rivo Lala. Niaiky ny fahareseny izy, ary nisaotra ireo mpifidy tamin’iny fifidianana iny. Malalaka ny safidy fa tsy terena handray ny fahasoavana avy amin’i Kohen ny olona, hoy izy. Nanipika moa i Kohen Rivo Lala fa « Tsy mampiasa ny Ctic Ctac Dou amin’ny fifidianana » ny tenany satria « tsy terena ny handray ny fahasoavana entin’i Kohen ». (Jereo Sary Tohiny)  
    Lire la suite ...
    • mardi, 18 juin 2019 17:03
    • Sary Gasypatriote Sambava

    RN5A Ambilobe-Vohémar: Jerem-potsiny ny taingim-be ataon’ny Bajaj

    Efa misy fihatsarana ny lalana avy eto Ambilobe mandeha Vohémar. Manararaotra mihazakazaka niasa aty ambanivohitr’i Betsiaka, izay eo amin'ny 30 km miala an’Ambilobe tampontanana ireo taxi Bajaj, ary samy manao taingimbe mihoampapana . Nanazava ireo mpitandro filaminana teo amin'ny « Barrage de contrôle » ary ny « motard » tsy lavitra teo, izay niasa ny 18 Jona 2019, fa « efa tsy voatazonay intsony ny fanaovana taingimbe nanomboka tamin'ny fanatsarana ity lalana ity ». (Jereo Sary Tohiny)
    Lire la suite ...
    • mardi, 18 juin 2019 13:54

    Mpitandro filaminana: Nahazo fiara 4x4 maromaro fampitaovana

    Niala tao Toamasina ary nakarina any Antananarivo ny alahady alina sy omaly alatsinainy maraina ireo fiara 4x4 zato mahery nafaran'ny fanjakana homena ny mpitandro ny filaminana ny sasany. Efa natao takelaka mena avokoa izy ireo.  
    Lire la suite ...
    • mardi, 18 juin 2019 13:07
    • Tahirin-tsary nindramina

    Egypta: Nalevina mangingina ny filoha teo aloha Mohamed Morsi

    Nalevin'ny fianakaviana mangingina androany ny nofo mangatsiakan'i filohan'i Egypta teo aloha, Mohamed Morsi, tany atsinanan'i Caire, Medinat Nasr. Ny fotoam-bavaka moa dia novitaina tao amin'ny hopitalin'ny fonja notanana azy sy nahafaty azy tao Tora ihany. I Mohamed Morsi moa dia maty nandritra ny fotoam-pitsarana azy omaly alatsinainy 17 jona. Nitambotsotra tao amin’ny tribonaly, nandritra ny fitsarana, araka ny vaovao navoakan’ny televizionim-panjakana ao an-toerana. 67 taona i Mohamed Morsi, ary mpitarika ny hetsiky ny “Frères musulmans » no nampisongadina azy, izay nahavoafidy azy ho filohan’i Egypta tamin’ny taona 2012. Herintaona taorian’ny niakarany teo amin’ny fitondrana anefa izy dia naongan’ny Tafika ary voasambotra. Fito taona an-tranomaizina ny saziny, noho ny hosoka tamin’ny dosie nirotsahany hofidiana tamin’ny 2012 io.    
    Lire la suite ...
Page 1 sur 436