Vaovao

    • jeudi, 04 mars 2021 20:15
    • Sary nindramina

    Morarano Gara : Olona 15 indray voatana am-ponja vonjimaika

    Mitaky ny hamoahana ny sasany amin’ny olona miisa 15, izay voatana am-ponja vonjimaika any Moramanga nanomboka ny herinandro lasa teo ny havany. Manizingizina ihany koa ny mponina mahalala fa madio sy tsy nanao na inona na inona ny sasany amin’ireo olona ireo.Vokatry ny endrikendrika sy noho ny anarana mitovy dia sinambotra sy voatana am-ponja vonjimaika izy ireny, araka ny re ombieny ombieny. Avy amin’ny tanàna samihafa ao anatin’ny kaominina ambanivohitr’i Morarano Gara, Moramanga, ireo olona ireo.Voafaoka hatramin’ny mpimasy mpitaiza olona amin’ny alalan’ny fomba nentim-paharazana. Ampangaina ho tompon’antoka amin’ny halatra miverimberina mitranga ao amin’ny orinasa sinoa CGC mpanamboatra ny ampahan-dalana RN44 Marovoay Gara-Amboasary Gara (40 km) izy ireo.
    Lire la suite ...
    • jeudi, 04 mars 2021 20:07
    • Sary ZP

    Ampamakiambato - Mampikony II : Dahalo roa maty tao anaty fifanjevoana, tafaverina ireo omby halatra

    Teo ampisafoana kizo ny Fokonolona ny 01 mars 2021 tamin’ny 04 Ora maraina no nahatsikaritra dian'omby nampiahiahy tao Ampamakiambato Fokontany Amparihimanonga, Kaominina ambanivohitra Mampikony II, Distrika Mampikony, ka avy hatrany dia nanao ny fanarahan-dia. Nampandre ny Fokonolona manodidina izy ireo sady niantso ny Zandary ao amin’ny Brigady Mampikony. Ora telo taorian’izay dia nifanena tamin’ny ireo dahalo miisa efatra tsy lavitry ny toerana voalaza etsy ambony ny mpanara-dia ka raikitra ny fifanjevoana.
    Lire la suite ...
    • mardi, 02 mars 2021 07:40
    • Sary nindramina

    Fifamoivoizana : Flyover sa lalana SOFIA

    Ny faran'ny volana jolay 2020, dia nanapa-kevitra ny Filankevitry ny minisitra ny hanamboatra ireo FlyOver na teteza-mihantona ambony kihon-dalana miisa roa, dia ny etsy Andohatapenaka/Ampasika, sy ny etsy Anosizato. Voalaza tamin'izay fa atomboka io taona 2020 io ihany ny asa. Famatsiam-bola mitentina 20 tapitrisa dolara na 75 miliara ariary, avy amin'ny BADEA na ny Banky Arabo ho amin’ny Fampandrosoana aty Afrika, ka ny famatsiam-bola anatiny no ho entina manomboka ny asa, ary ny famatsiam-bola avy amin’ny BADEA kosa no handray ny tohin’ny asa no voalaza tamin'izany. Fampindramam-bola mandritra ny 30 taona izy io, ary amin’ny zana-bola ambany 1%, ary afaka 10 taona vao hatomboka ny famerenana azy. Ao anatin’izany ny fanaovan-dalana mirefy 8km sy ny fanamboarana ireo tetezana. Mbola mety hitombo io famatsiam-bola io araky ny fizotry ny fifampiresahana amin’ny BADEA.
    Lire la suite ...
    • lundi, 01 mars 2021 19:29

    Kidnapping : Tafaporitsaka i Del Kely, dahalo raindahiny

    Tafaporitsaka indray i Del Kely, lehiben’ny dahalo raindahiny voatonona amina fanafihana mitam-basy sy fakana ankeriny amin'iny Faritra Betsiboka iny. Anisany tompon'antoka tamin’ny fakana ankeriny na kidnapping nitranga tao Beanana Kaominina Ambakireny izy.Vokatry ny fifanomezan-tanana teo amin’ny Fokonolona sy ny zandary ary ny miaramila avy ao amin'ny 322ème Compagnie Ambakireny dia nisy ireo voasambo-belona ka vehivavy ny roa taminireo, sakaizan'ireo dahalo, raha tafa-poritsaka niaraka tamin’i Del kely lehiben'ny dahalo ny vehivavy roa ambiny. Nisy dahalo lavo tao anaty fifandonana. Niampy iray ny basy azo teny an-tanan'ny dahalo ary fantatra fa mbola misy kalach eny ampelatanan'ireo tafaporitsaka.  
    Lire la suite ...
    • dimanche, 28 février 2021 19:21
    • Sary : Polisim-pirenena

    Mpiadina ho Polisy : Tovolahy iray nanao dia an-tongotra Maintirano-Antananarivo hiatrika fanadinana

    Tovolahy iray isan’ireo mpandray anjara amin’ny fifaninanana handraisana mpianatra ho Polisy izay tontosaina ny 27 sy 28 febroary 2021 no nandeha an-tongotra niala avy any Maintirano, Faritra Melaky, ny Alatsinainy 22 Febroary 2021 hamonjy ny foibe fanadinana aty Antananarivo ka nigadona teo amin’ny LMA Ampefiloha ny marainan’ny andro iatrehana fanadinana, ary avy hatrany dia nanatona ny foibe fanadinana niatrika ny taranja natao maraina. Tonga nanolotra vatsy ho azy sy ho fanampiana azy mandritra ny fotoana hivahinianany eto Antananarivo ny Minisitry ny Filaminam-bahoaka, ny Contrôleur Général de Police Randrianarison Fanomezantsoa sady nijery ifotony ny fizotry ny fifaninanana. Nandritra ny fitsidihana nataon’ny Minisitra tao amin’ny LMA Ampefiloha no tonga ilay Tovolahy avy any Maintirano.
    Lire la suite ...
    • dimanche, 28 février 2021 12:00
    • Sary ZP

    Nosy tanikely- Dzamanjary : Vazaha lahy frantsay iray maty niandrika

    Vazaha lahy iray, “plongeur", teratany frantsay fantatra amin’ny anarana hoe Onno Morgan, 52 taona, no hita faty tao Nosy Tanikely Fokontany Ambatoloaka Boriborintany Dzamanjary, Distrika Nosy Be ny 26 febroary 2021. Telo lahy izy ireo no niandriaka, nitaingina sambokely haingam-pandeha. Ratra anaty tany amin’ny lohany no voalazan’ny mpitsabo nanao ny fanamarinana teo anatrehan’ny zandary fa nitarika ny fahafatesan’ity teratany frantsay ity. Nanatrika izany fizahana ny faty izany ny Consul honoraire frantsay ao Nosy Be. (Jereo Sary Tohiny)
    Lire la suite ...
    • dimanche, 28 février 2021 11:59

    Ivato Centre – Ambositra : Voasambotra ireo jiolahy roa mpanao fanafihana mitam-basy

    Taratasy avy amin’ny Fitsarana nahafahan’ny zandary avy amin’ny kaompania ao Ambosira nisava tokantranon’olona ahiahiana ho mpanao fanafihana mitam-basy ka efa narahi-maso tao Ambalandapa Fokontany Ankaramainty Kaominina Ivato Centre Distrika Ambositra ny 24 febroary 2021. Sarona nandritra izany ny basy vita gasy sy entana halatra maromaro. Nisy lehilahy roa ihany koa voasambotra ary notanana avy hatrany nanaovana famotorana.  
    Lire la suite ...
    • vendredi, 26 février 2021 19:49

    Talata Andraikiba : Zazalahy 16 taona tratra nanolana zazavavy kely 6 taona

    Zazavavy kely 6 taona no niharan'ny filan-dratsin'ny zazalahy iray 16 taona, tao Talata Andraikiba, Kaominina ambonivohitra Antsirabe ny 25 febroary 2021 tokony ho mitatao vovonana. Ny tomanin’ilay zaza sy rà tamin’ny silipony no nahataitra ny manodidina ilay trano vao amboarina, izay toerana nitrangan'ny fanolanana. Ireto farany no nampandre ny Ray aman-drenin'ilay zaza ka nitondra avy hatrany tao amin'ny hopitaly Sainte Claire d'Assise Andraikiba. Tsy vita tao anefa ny fitsaboana fa nanapa-kevitra ny mpitsabo tao fa tsy maintsy hoentina miakatra any amin'ny hopitaly lehibe any Antsirabe ilay zaza. Nitsoaka ilay zazalahy nahavanon-doza. Notanan’ny zandary ny reniny mba hanokafana fanadihadiana momba ny fitsoahan'ny zanany ary mba hisorohana ny ainy amin'ny fitsaram-bahoaka. Voasambotra ihany ilay nahavanon-doza taorian’izay, ary efa eo ampelantanan’ny zandary.  
    Lire la suite ...
    • vendredi, 26 février 2021 19:36
    • Sary Njaka

    Fandriampahalemana : Nanao tomban'ezaka

    Nahitàna 29 ireo zandary naratra ary 4 sahady no nodimandry tamin’ity taona ity, araka ny tatitra nasehon’ny Zandarimaria. Nisy araka izany ny fandinihana ny fahaiza-manao teo anivon’ny Zandarimariam-pirenena. Izany no natao dia ho fanarenana ny fiasian’ny zandary sy mpitandro ny filaminana maratra eo amin’ny fanatanterahana ny asany. « Tsy afaka ny hiasa irery ny Zandarimariam-pirenena fa tsy maintsy misy ny fiaraha-miasa eo aminy sy ireo vondro-tafika, ny fitsarana, ny atitany sy ny hafa mba hanatsarana ny fomba fiasa manoloana ny toe-draharaha misy eto Madagasikara » hoy ny sekreteram-panjakana miadidy ny Zandarimariam-pirenena. Handray andraikitra izy ireo raha mbola misy olona manivaiva sy manao vava tsy ambina an’ireny zandary, tafika, polisy ireny.
    Lire la suite ...
    • jeudi, 25 février 2021 16:55
    • Sary nindramina

    Paul Gérard ex-DG INSTAT : Voasambotra ny namono azy

    Nitafa tamin'ny mpanao gazety taty Ambanja omaly, ny lehiben'ny Fampanoavana ao amin'ny Fitsarana ambaratonga voalohany aty Ambanja. Nambarany fa misy vokany ny ezaka fikarohana ireo nahavanon-doza namono ny Tale jeneralin'ny Ivonteram-pirenena momba ny atontanisa (INSTAT) teo aloha Ravelomanantsoa Paul Gérard. Lehilahy efa nigadra taty Ambanja no anisany nahavanon-doza ary voasambotra. Mitohy ny fikarohana ireo namany. Raha tsiahivina dia notafihin'ny jiolahy mitam-basy, ny alin'ny zoma 19 febroary ny tokantranon'ity DG INSTAT teo aloha ity ao Maherivaratra, Kaominina farany avaratra ato amin'ny Distrika Ambanja, manaraka ny lalam-pirenena faha-6.
    Lire la suite ...
Page 1 sur 223