Vaovao

    • samedi, 25 janvier 2020 19:44
    • Sary nindramina

    RN 33A – Tsaratanana: Mirotsaka manarina lalana simba ny Miaramilan’ny 322 Compagnie ny 2RM3

    Tapaka eo amin'ireo Fokontanin'i Ambolosy sy Andranonampaga eo anivon'ny Kaominina Ambakireny Distrikan'i Tsaratanana ny RN 33A, vokatry ny andro ratsy nitondra orambe farany teo Mandray andraikitra feno manoloana ny voina izay mitranga amin'ny fanamboarana ny lalana ny miaramila avy ao amin’ny 322 Compagnie ny 2RM3, araka ny toromariky ny Minisitry ny Fiarovam-pirenena. (Jereo Sary Tohiny)
    Lire la suite ...
    • samedi, 25 janvier 2020 09:36
    • Sary nomena

    Andry Rajoelina: Nanome toromarika hentitra mba hanafainganana ny famonjena ireo traboina

    Nidina tao amin’ny Distrikan’i Maevatanana sy Mitsinjo ary ny Kaominin’i Mahajamba ny Filoham-pirenena Andry Rajoelina ny zoma 24 janoary, namonjy aina sy nitondra fanampiana ho an’ireo traboina noho ny andro ratsy nitondra orambe, izay niteraka fahavoazana sy voina maro tamin'ny faritra maro teto amin’ny Nosy. Nanome toromarika hentitra ny tenany mba hanafainganana ny famonjena ireo traboina rehetra, ary hetsehina avokoa ireo sambo kely haingam-pandeha sy angidimby afaka mandeha mamonjy ireo mpiray tanindrazana.
    Lire la suite ...
    • vendredi, 24 janvier 2020 11:57
    • Sary: MAHTP

    « Rocade Est - Nord Est »: 50 % ny asa no vita

    Nidina ifotony nijery ny fivoarana sy fizotr'ireo tetikasa sy foto-drafitrasa vatsiany vola ny delegasiona avy amin’ny Banky Eoropeana ho an'ny Fampiasam-bola (Banque Européenne d'Investissement) tarihin’ny Filoha lefitra Mandalo eto Madagasikara. Anisany ny « Rocade Est - Nord Est » izay lalana mamakivaky tanàna sy tanimbary mampifandray ny lalam-pirenena faha-3 sy faha-2 ary ny faha-7 mandalo ny By-Pass, izay tanterahin'ny orinasa SOGEA SATOM. 50 % ny asa no vita ankehitriny. (Jereo Sary Tohiny)  
    Lire la suite ...
    • jeudi, 23 janvier 2020 22:21
    • Sary nomena

    Famatsian-drano an’Antananarivo: Itarina ny tobim-pamokarana eo Mandroseza, hiampy tobim-pamokarana rano telo vaovao

    Misy ny fandaharan'asa Tana Water III hanatsarana ny famatsian-drano fisotro madio ho an’ny mponina eto Antananarivo Renivohitra sy ny manodidina. Misy ny asa fanitarana ny tobim-pamokarana eo Mandroseza. Hisy tobim-pamokarana rano telo vaovao hatsangana manodidina an’Antananarivo ary hampitomboina ny famokaran-drano ao Andekaleka. Hisy ihany koa ny fanavaozana ireo fantson-drano sy fampitomboana ireo paompin-drano manerana ny renivohitra. Tanjona ny hampiakatra ho 100 000m3 isan’andro ny rano vokarina eto an-drenivohitra mba ho afaka hamaly ny filàn’ny mponina eto Antananarivo.
    Lire la suite ...
    • jeudi, 23 janvier 2020 20:32
    • Loharanom-baovao: MENETP

    Toby Akamasoa-Andralanitra: Nanolotra kitapo miisa 5500 ho an’ny mpianatra ny Ministeran'ny Fanabeazam-pirenena

    Kitapo miisa 5500 no natolotry ny Minisiteran'ny fanabeazam-pirenena, ny fampianarana ara-teknika sy arak'Asa ireo mpianatra eny amin'ny toby Akamasoa, tantanan'i Mompera Pedro eny Andralanitra, androany, ho fanohanana ny asa sosialy amin'ny fanabeazana ireo ankizy eny an-toerana. Manodidina ny 15 000 ny isan’ny mpianatra beazina ao amin'io toby io ankehitriny. Anisan'ireo sekoly manana vokatra tsara eo anivon'ny CISCO Avaradrano, ZAP Ambohimangakely ny toby Akamasoa eny Andralanitra. Tamin'ny bakalorea farany teo dia nahatratra 92% ny tahan'ny fahafaham-panadinana. (Jereo Sary Tohiny)  
    Lire la suite ...
    • jeudi, 23 janvier 2020 12:25
    • Sary Gasypatriote Sambava

    Bekily: Tratra ny lehiben’ny dahalo nampihorohoro ny Faritra SAVA

    Voasambotry ny Zandary tany Bekily, Faritra Androy ny lehilahy iray, lehiben'ny dahalo izay nampihorohoro ny Faritra SAVA. Naverina aty Sambava avy hatrany izy io hanaovana famotorana. Tafiditra tao anatin'ny fanafihana mpivarotra tany Andranomifototra, Kaominina Maroambihy Sambava izy ny 14 desambra 2019, izay nahavery vola 20 tapitrisa Ariary eo. Naratra mafy vokatry ny fifandonana tamin’izany ny mpivady tompontrano. Tamin’io andro io ihany, vokatry ny fanarahan-dia nataon'ny Fokonolona, dia dahalo telo no tratra ary tsy namelan'ireto raha tsy tapitry avokoa ny aina, ka matin'ny fitsaram-bahoaka.
    Lire la suite ...
    • mercredi, 22 janvier 2020 21:50
    • Sary nindramina

    Maroc: Nisy nangalatra ireo famantaranandro lafo vidy an’ny mpanjaka Mohammed VI

    Vehivavy iray mpiasa ao an-dapa Marrakech no ahiahiana fatratra ho nahavita ity halatra ity. Tsy mba famantaranandro iray fa maromaro, ary lafo vidy tokoa. Niaiky ilay ramatoa fa nangalatra, nolaviny kosa ny fisian’olon-kafa nitsikomba taminy. Na izany aza miisa 25 ireo olona voarohirohy sy nanokafana fanadihadiana amin’ity fahaverezan’ny famantaranandron’ny mpanjaka Mohammed VI ity, anisan’izany ireo mpivarotra volamena, ireo tomponandraikitra amin’ny « renseignements généraux » ao Marrakech. Misy 1,2 tapitrisa dolara ny tentimbidin’ny famantaranandro iray anaovan'ny mpanjaka Mohammed VI. Tsy voalaza na isan’ireo very izy io. Nahemotra ho amin’ny herinandro ambony io ny fitsarana ity raharaha ity. (Jereo Sary Tohiny)
    Lire la suite ...
    • mercredi, 22 janvier 2020 21:45

    Mandritsara: Raim-pianakaviana iray novonoin’ny dahalo, telo hafa naratra, iray takalonaina

    Notafihin’ny andian-dahalo mitam-basy tao Andranokazo II, Kaominina Ambilombe, Distrikan’i Mandritsara ny alin’ny talata hifoha ny alarobia 22 janoary 2020. Tokantrano miisa enina no nitetezin’ireto dahalo ireto, norobaina narahina herisetra. Vokany, raim-pianakaviana iray, 40 taona eo, no namoy ny ainy, telo hafa naratra. Mbola naka olona iray natao takalonaina ihany koa ireo dahalo. Tombanana eo amin’ny 8 tapitrisa Ariary eo ny entana lasan’izy ireo. Nanao ny fanarahan-dia avy hatrany ny Zandary avy ao amin’ny Poste Fixe Loharano, vao nahazo fampandrenesana.  
    Lire la suite ...
    • mercredi, 22 janvier 2020 21:32

    Ifotaka – Amboasary Atsimo: Miaramila mamo nitifitra olona tsy salama saina

    Ny talata 21 janoary 2020 no niseho ity loza ity, tao an-tsenan’i Fenoaivo, Kaominina Ifotaka, Distrika Amboasary Atsimo. Miaramila kilasy faharoa, DAS avy ao Andamilamy, Ambovombe Androy namonjy tsena tao Fenoaivo no nahavanon-doza rehefa nentin’ny hamamoana. Olona tsy salama saina no notifiriny, ka tapaka ny tongony havanana. Tsaboina ao amin'ny hopitaly Ambovombe ny maratra. Efa nalefa ao Ambovombe ihany koa ilay miaramila nahavanon-doza. Nidina tao Ifotaka ny kolonely komandin’ny BOA N°03 androany nifampiresaka tamin'ny fianakavian'ny voatifitra nangataka hanao raharaham-pihavanana fa notsaboina aloha ny maratra.  
    Lire la suite ...
    • mercredi, 22 janvier 2020 15:03

    Sakaramy Antsiranana: Miaramila iray vaky loha nodarohan’ny namany

    Miaramila iray mamo toaka no nidaroka ka nandratra miaramila iray namany, miasa ao Sakaramy, Distrikan’Antsiranana II. Nototan’ilay miaramila mamo ny vato ny lohan’ity namany, ka vaky ny handriny. Ny harivan’ny talata 21 janoary 2020 tokony ho tamin’ny enina ora sy sasany no niseho ny fandratrana niniana natao ity. Tsaboina ao amin’ny hopitaly miaramila Antsiranana ilay maratra, karohina kosa ilay nahavanon-doza. Nanokatra fanadihadiana ny Zandary avy ao amin’ny brigadin’i Sakaramy.  
    Lire la suite ...
Page 1 sur 165