Vaovao

    • vendredi, 16 août 2019 12:57
    • Sary Polisim-pirenena

    Toamasina: Zaza tsy ampy taona mpangalatra moto

    Tovolahy kely vao herotrerony no saron’ny Polisy avy ao amin’ny « Commissariat » Mangarano Toamasina, nangalatra moto ety amin'ny faritra Mangarivotra. Mampiasa lakile karazany maro izy ireo. Lehilahy sendra niditra « cyber » no lasibatr’ireto tovolahy ireto. Tany amin'ny Parcelle 21/51 Mangarivotra vao tratra izy ireo niaraka tamin'ilay moto. Natolotra ny sampan-draharaha misahana ny Zaza tsy ampy taona izy ireo, nandray an-tanana ny fanadihadiana.    
    Lire la suite ...
    • vendredi, 16 août 2019 08:52
    • Sary nomena

    Mahajanga: Mandroso ny ady amin’ny kolikoly

    Notontosaina tao amin’ny « Bloc Administratif », ny 09 aogositra 2019 teo, ny atrik’asa sy fihaonam-be ho an’ireo mpikambana amin’ny « Cellule anti-corruption » teto Mahajanga. Nanamarika ny Prefen’i Mahajanga, raha nanokatra tamin’ny fomba ofisialy ity atrik’asa ity, fa « efa mandroso ny ady amin’ny kolikoly eto Mahajanga ». Efa nanamafy ny fandraisany anjara feno amin’ny ady amin’ny kolikoly ny Prefektioran’i Mahajanga tamin’ny alalan’ny famoahany ny « Arrêté préfectoral » mametraka ny tsy maintsy hifidianan’ireo Sampandraharaham-panjakana isan-tsokajiny ny mpikambana ao amin’ny « Cellule anti-corruption »-n’izy ireo avy sy ny hametrahana « Cellule anti-corruption » iray eo amin’ny Prefektioran’i Mahajanga.
    Lire la suite ...
    • jeudi, 15 août 2019 21:28
    • Sary Gasypatriote Sambava

    Sambava: Nirehitra ilay « Epi-Bar Vanilla » malaza eto Ambodisatrana

    Setroka nanaka-danitra noho ity haintrano ity no nanaitra ny mponin’i Sambava androany alakamisy 15 aogositra 2019, tokony tamin'ny 3ora tolak'andro. Samy nilaza ny fomba fahitany azy ny mponina teny an-toerana. Tao ny nilaza fa avy tao amin'ny efitra fatorian'ny tompontrano no nahitana afo voalohany. Misy indray ireo nilaza fa avy tao amin'ny lakozia no nipoiran’ny afo. Nananosarotra ny famonjena noho ny tsy fananan’ny Kaominina Ambonivohitr’i Sambava fiara mpamonjy voina. Mpamojy voinan'ny Adema no nanome tanana, niaraka tamin’ny Fokonolona.
    Lire la suite ...
    • jeudi, 15 août 2019 21:26
    • Sary Gasypatriote Sambava

    Sambava: Nirehitra ilay « Epi-Bar Vanilla » malaza eto Ambodisatrana

    Setroka nanaka-danitra noho ity haintrano ity no nanaitra ny mponin’i Sambava androany alakamisy 15 aogositra 2019, tokony tamin'ny 3ora tolak'andro. Samy nilaza ny fomba fahitany azy ny mponina teny an-toerana. Tao ny nilaza fa avy tao amin'ny efitra fatorian'ny tompontrano no nahitana afo voalohany. Misy indray ireo nilaza fa avy tao amin'ny lakozia no nipoiran’ny afo. Nananosarotra ny famonjena noho ny tsy fananan’ny Kaominina Ambonivohitr’i Sambava fiara mpamonjy voina. Mpamojy voinan'ny Adema no nanome tanana, niaraka tamin’ny Fokonolona.
    Lire la suite ...
    • jeudi, 15 août 2019 20:28
    • Sary nindramina

    Kolikoly, tsy fanarahan-dalàna: Zandary miisa 54 no niditra am-ponja hatramin’ny 1 febroary 2019

    Hentitra ny fampanarahan-dalàna, mitsoka ny rivo-panadiovana eo anivon’ny Zandarimariam-pirenena. Atao ny fananarana sy fampitandremana fa mbola misy ireo Zandary manao ratsy, ka andraisanay fepetra, hoy ny Sekreteram-panjakana miadidy ny Zandarimariam-pirenena (SEG), ny Jeneraly Ravalomanana Richard. Nanambara ity farany fa Zandary miisa 54 izao no niditra am-ponja hatramin’ny 1 febroary 2019, noho ny tsy fanarahan-dalàna, kolikoly, firaisana tsikombakomba amin’ny dahalo. Hentitra ny SEG fa raha mbola misy ny Zandary jiolahy dia mbola hanatitra azy ireo amin’ny Fitsarana ny Zandarimariam-pirenena. Mampirisika ny olona rehetra hanampy ny Zandarimariam-pirenena (034 12 005 25), miaraka amin’ny porofo, ny tenany ho fitsinjovana ny soa ho an'ny daholobe, ary hiarovana ny Voninahitry ny Zandarimariam-pirenena.  
    Lire la suite ...
    • jeudi, 15 août 2019 19:56
    • Sary nindramina

    Andro iraisam-pirenena ho an'ny tanora: Niavaka ny fankalazana tamin’ity

    Endrika vaovao sy niavaka no nentina nankalazana ny Andro iraisam-pirenena ho an'ny tanora ny 12 aogositra 2019 tao amin’ny Lapan’ny fanatanjahantena sy ny kolotsaina Mahamasina - Antananarivo, izay niompana tamin’ny lohahevitra hoe : « Tanora tsara fototra amin’ny fianarana, miantoka ny fahombiazan’ny firenena ». Natomboka tamin’ny diabe niainga teo anoloan’ny kianjaben’i Mahamasina, nihazo ny lapan’ny fanatanjahantena ny hetsika. Nitohy tamin'ny fanentanana sy fampirantina ireo vokatra sy fikarohana izay nandraisan’ireo tanora sy ireo mpiaramiombon’antoka anjara.
    Lire la suite ...
    • mercredi, 14 août 2019 22:18
    • Sary nindramina

    Libreville- Gabon: Voafonja miisa 153 no navotsotra fa hadino tsy voatsara aman-taonany

    Hetsika nifarimbonan’ny sendikan’ny mpisolovava sy ONG maromaro tany Gabon, manoloana ny hamaroan’ny olona voatana am-ponja tsy ara-drariny efa aman-taonany maro nefa tsy voatsara no nahatongavana tamin’izao vokatra izao. Nanome baiko ny hamoahana am-ponja azy ireo avy hatrany ny filoha Ali Bongo. Voafonja miisa 153 no navotsotra omaly talata 13 aogositra 2019, tao amin’ny fonjan’i Libreville fotsiny. (Jereo Sary Tohiny)  
    Lire la suite ...
    • mercredi, 14 août 2019 20:03
    • Sary: Polisy PPA4 Antaniavo Antohomadinika

    Antohomadinika-Antananarivo: Voasambotra i Lavasanga mpamaky trano

    Jiolahy malaza ratsy amin’ny famakiana trano i A.M.J fantatra amin’ny anaram-bositra hoe : Lavasanga. Amin’ny ora izay ivoahan'ny olona ny trano, amin’ny ora fiasana amin’ny 8 ora maraina hatramin'ny 4 ora hariva, izy no manararaotra. Iny faritra Antohomadinika sy Vassacos, Antananarivo iny no tena lasibatrany. Omaly talata 13 aogositra 2019 tokony tamin’ny 10 ora maraina i Lavasanga no tratran'ny Polisy ambodiomby nanao ity asa ratsy ity. Tamin’io fotoana io dia nihevitra izy fa tsy tao ilay tompontrano fa lasa niasa saingy tsy izay no zava-nitranga fa nijanona tao ilay tompontrano fa tsy niasa no efa tafiditra tao izy. Teo ampibatana ny entana mihitsy i Lavasanga no tratran'ny Polisy satria nampandre avy hatrany ny tompontrano, ary dia tonga haingana ny Polisy. Natolotra ny Fampanoavana androany izy ary notanana am-ponja vonjimaika eny Antanimora.    
    Lire la suite ...
    • mardi, 13 août 2019 13:58
    • Sary nindramina

    « Papamobile »: Karenjy « Mazana I » no nitondrana an’i Papa Joany Paoly II

    Hitsidika an’i Madagasikara ny Papa François ny 6 ka hatramin’ny 10 septambra 2019. Efa nampahafantarin’ny mpikarakara, ny fandaharam-potoanany, mandritra ny diany eto. Fanontaniana tsy mbola nahazoam-baliny kosa hatreto ny amin’ny « Papamobile » na ny fiara hitondra an’i Papa François amin’ireo fotoana ireo, indrindra amin’ny fahatongavany manoloana ny mpino maro ho avy eny Soamandrakizay-Androhibe mandritra ny lamesa lehibe hotarihiny ny alahady 8 septambra 2019. Papa Katolika faharoa hitsidika an’i Madagasikara i Papa François. Telopolo taona lasa izay, ny taona 1989, no nitsidika teto i Papa Joany Paoly II. Fiara Karenjy « Mazana I » no "papamobile" nitondra an’i Papa Joany Paoly II tamin’io. Mbola voatahiry tsara ao Fianarantsoa io fiara io ary naseho vahoaka nanoloana ny Katedraly Ambozontany tamin'ny aprily 2014, fotoana fanandratana ho Olomasina an'i Papa Joany Paoly II. (Jereo Sary Tohiny)  
    Lire la suite ...
    • lundi, 12 août 2019 16:54
    • Sary ZP

    Tsaraitso – Betroka: Dahalo iray maty voatifitry ny tompon’omby, iray hafa naratra

    Nitrangana fanafihan-dahalo tao an-tanan'i Besakoa, Fokontany Analasoa, Kaominina Tsaraitso, Disitrikan'i Betroka ny 08 aogositra 2019. Toerana somary atsinanana tsy lavitra ny tampon-tanànan'i Betroka izy ity, ary nahazo fandrahonana misesy ataon'ireo dahalo. Niaro tena ny Fokonolona, ka notsenain'ny balan'ny tompon'omby teo amin’ny fony ilay dahalo voalohany namoha valan'omby ka maty tsy tra-drano. Nisy dahalo iray hafa ihany koa voatifitra saingy nentin’ireo efa-dahy namany nandositra. (Jereo sary Tohiny)
    Lire la suite ...
Page 1 sur 143