Notapahan’ny Jirama vonjimaika ny famokarana herinaratra manoloana ny grevy ataon’ny mpanjifa avy amin’ny kartie samihafa eto an-toerana, izay nirohotra niazo ny foibe famokarana io atoandro io, maneho ny tsy hafaliany amin’ny fahatapahan-jiro matetika.

Nosakanan’ny mpitandro ny filaminana moa ireo mpitokona, ary niangaviana hiroso amin’ny fifampiresahana hisorohana ny mety ho fanimban-javatra.

Amin’izao ora anoratana izao aloha dia tsy misy herinaratra eto Sambava tampon-tanàna, eny fa na amin’ireo kartie sokajiana ho saropady toy ny hopitaly aza.