Sport

    • mardi, 04 décembre 2018 13:54

    Kitra: Lasan’i Luka Modric ny « Ballon d’or » 2018

    Tontosa halina ny fankasitrahana ireo mpilalao mendrika nandritra iny taom-pilalaovana lasa iny, nokarakarain’ny France Football. Misalotra ny « Ballon d'or» 2018 i Luka Modric teratany Kroaty, milalao ao amin’ny Real Madrid. Teo amin’ny laharana faharoa ilay Portogey Cristiano RonaldoLaharana fahatelo ilay Frantsay Antoine Griezmann, mpilalaon’ny Athletico Madric. Lasan’i Kylian Mbappé ny amboara « Kopa » natokana ho an’ireo mpilalao latsaky ny 21 taona, izy koa no teo amin’ny laharana fahaefatra. Ilay teratany norvezianina Ada Hegerberg no sambany notolorana ny « Ballon d'or » ho an’ny mpilalao kitra vehivavy. Mpanao gazety miisa 180 teo no nandray anjara tamin’ity fifidianana ireo mpilalao ireo izay voasivana tamin’ny maro. (Jereo Sary Tohiny)    
    Lire la suite ...
    • mardi, 20 novembre 2018 19:56
    • Sary nomena

    Universiade 2018: 1000 eo ny mpandray anjara eto Ambositra

    Andro fahatelo androany amin'ny Universiade, izay fifaninanana ara-panatanjahantena ikatrohan'ny mpianatry oniversite sy ivontoerana ambony miankina amin'ny fanjakana. Andiany faha-4 ity tanterahina mandritra ny herinandro eto Ambositra. Mizotra tsara ny fifaninanana hatreto, hoy Raveloson Mamitiana, mpikarakara. Manodidina ny 1000 eo ny mpandray anjara miaraka amin'ny mpampiantrano. Manana solontena betsaka amin'izany i Mahajanga, misy atleta 200 latsaka kely. Taranja miisa 11 no ifaninanana toy ny kitra, baskety, hand-ball lahy sy vavy, atletisma, tsipy kanetibe, échec, karaté, judo, judo (fampisehoana), tennis ary tennis de table.
    Lire la suite ...
    • mercredi, 24 octobre 2018 09:44
    • Sary Gasypatriote Antsirabe

    Tsipy kanetibe: Mankalaza ny faha-15 taonany ny Club Bouliste UNOH Antsirabe

    Hetsika goavana no hanamarihana ny faha-15 taona nijoroan'ny CBU (Club Bouliste UNOH) tarihin'i Dr Rasamimanana Honoré Gabriel, filoham-boninahitry ny klioba. Fiara iray na vola 6 tapitrisa Ariary no loka amin’ny fifaninanana nampitondraina ny anarana “Grand Open”, hatao eny amin’ny kianjan’ny Star Antsirabe. Isan’ny klioba matanjaka eto Madagasikara ny CBU. Efa maro ny amboara azony nanerantany sy taty Afrika, ary isan’ny namokatra mpialao kalaza koa. (Jereo Sary Tohiny)  
    Lire la suite ...
    • dimanche, 21 octobre 2018 18:19

    Kitra – Ligy Matsiatra Ambony: Voafidy ho filoha i Raby Myriame

    Tontosa omaly tolakandro tao amin’ny Lapan'ny Faritra Matsiatra Ambony, rehefa nifanolanana amam-bolana maro, ny fifidianana ny filohan’ny Ligin’ny baolina kitra Matsiatra Ambony. Enina ny mpifaninana, voafidy ho filoha nahazo isam-bato 5 Rtoa Raby Razafinambinina Myriame Eléonore, natolotry ny Zanakala, vavy tokana tamin’ireo mpirotsaka hofidiana ary vady andefimandrin’i Mamindraibe Rasolotafika, filohan’ny federasiona Malagasy kick-boxing. Nanatrika fifidianana ny vaomiera mahaleotena mikarakara ny fifidianana (CNE foot-ball), solontenan'ny ministeran’ny tanora sy fanatanjahantena ary ny avy amin’ny foibem-paritry ny fanatanjahatena Matsiatra Ambony. Sambany no vehivavy ny filohan’ny ligin’ny kitra Matsiatra Ambony. Raby Myriame no mandimby toerana an’i Rarison Hilarion. (Jereo Sary Tohiny)  
    Lire la suite ...
    • vendredi, 19 octobre 2018 19:22
    • Sary nindramina

    Kitra-Ligy V7V: Voafidy ho filoha i Andriano Giscard

    Tontosa androany ny fifidianana filohan'ny ligin'ny baolina kitra Vatovavy Fitovinany (V7V). Voafidy ho filoha i Andriano Giscard, Ben'ny Tanànan'i Manakara. Vato efatra no azony. Filohan'ny seksiona efatra no mpifidy, izay samy nametraka fitokisana taminy. Telo ireo kandida nifaninana ho amin'ity toeran'ny filohan'ny ligy V7V ity. (Jereo Sary Tohiny)  
    Lire la suite ...
    • jeudi, 18 octobre 2018 09:28
    • Sary Njaka

    Ambohitsirohitra: Nomem-boninahitra ny Barea

    Noraisin'ny filoha mpisolo toerana Rivo RAKOTOVAO teny amin'ny lapan'Ambohitsirohitra ny ekipam-pirenena Malagasy amin'ny baolina kitra BAREA an'ny Madagasikara noho ny fahazoana ny fandraisana anjara amin'ny CAN 2019, nirary soa an'ireo ekipa i Rivo RAKOTOVAO ary nanolotra vola mitentina 100 000 000 Ariary ho an'ny ekipam-pirenena. (Jereo Sary Tohiny)  
    Lire la suite ...
    • mercredi, 17 octobre 2018 19:11
    • Sary nindramina

    Kitra-Ligy Vatovavy Fitovinany: Kandida i Andriano Giscard

    Androany no nametraka ny taratasy firotsahan-kofidiany i Andriano Giscard, Ben'ny Tanànan'i Manakara. Hotanterahina ny zoma 19 oktobra izao ny fifidianana, telo ny kandida. (Jereo Sary Tohiny)  
    Lire la suite ...
    • mardi, 16 octobre 2018 07:20
    • Sary nindramina

    Kitra-CAN 2019 : Tonga alina ny Barea

    Tara fiaingana tany Malabo Guinée Équatoriale noho ny antony teknika, alina no nigadona an-tanindrazana ny mpilalaon'ny Barea Madagasikara. Nivantana avy hatrany teny amin'ny Complexe Sportif Vontovorona izy ireo. Eny no mipetraka sy manoman-tena hiatrika ny lalao famerenana amin'i Guinée Équatoriale anioTalata 16 oktobra, eny Vontovorona. Nandresy an'i Guinée Équatoriale tamin'ny isa 1 noho 0 i Madagasikara tamin'ny lalao mandroso natao tamin'ny sabotsy 13 oktobra lasa teo. Efa manomboka ny fivarotana tapakila sy ny fidirana ety amin'ny Kinja Vontovorona.    
    Lire la suite ...
    • dimanche, 14 octobre 2018 15:37

    Kitra-CAN 2019: Higadona an-tanindrazana anio ny Barea

    Anio alahady no hotafaverina eto Madagasikara, amin'ny fiaramanidina manokana ny ekipam-pirenena Malagasy amin'ny baolina kitra rehefa avy nandresy 1 noho 0 ny ekipan'i Guinée Équatoriale, nandritra ny lalao mandroso natao omaly, sady andro fahatelo amin'ny fifanintsanam-bondrona hiadiana ny tapakila ho amin'ny dingana famaranana ny fiadiana ny tompondakan'i Afrika izay hatao any Cameroun amin'ny 2019. Hivantana avy hatrany eny amin'ny Complexe Sportif Vontovorona izy ireo, eny no hipetraka, hanao fanazarantena hiatrehana ny lalao miverina amin'i Guinée Équatoriale amin'ny talata 16 oktobra ho avy izao. Efa tomombana ny fandraisana io lalao io, raha ny fanazavan'ny filohan'ny Federasiona Malagasy amin'ny Baolina Kitra, Doda Andriamiasasoa.  
    Lire la suite ...
    • samedi, 13 octobre 2018 10:40
    • Sary FMF

    Kitra-CAN 2019: Madagasikara # Guinée Equatoriale

    Hotanterahina anio tolakandro any Malabo, renivohitr’i Guinée Equatoriale, ny andro fahatelo amin'ny lalao fifanintsanam-bondrona hifandonan’ny Barea Madagasikara amin’ny ‎Nzalang Nacional, ekipam-pirenen’i Guinée Equatoriale, hahazoana tapakila hiatrehana ny dingana famaranan’ny fiadiana ny tompodakan’i Afrika amin’ny baolina kitra, hatao any Cameroun amin’ny taona 2019. Vonona hitady fandresena ny Barea. Hotanterahina eny Vontovorona Antananarivo amin’ny talata 16 oktobra 2018 ny lalao famerenana eo amin’ny ekipa roa tonta.    
    Lire la suite ...
Page 1 sur 39