Sport

    • mardi, 25 juin 2019 22:51
    • Sary: Alefa Barea

    Kitra-CAN 2019: "Vonona hanolotra ampahavalon-dalana ho an'ny Malagasy ny Barea'', hoy i Bolida

    "Ny fahatafitanay any amin'ny ampahavalon-dalana no fanomezana tinay hatolotra ny vahoaka Malagasy amin'izao fetim-pirenenay izao.", hoy i Lalaina Nomenjanahary na Bôlida androany nandritra ny valandresaka ho an'ny mpanao gazety mialoha ny lalao hifanandrinan'ny Barea Madagasikara amin'i Burundi, lalao faharoa hatrehin'ny ekipa roa tonta ao amin'ny vondrona B. "Vonona hanome lalao tsara ho an'ny Malagasy izahay", hoy hatrany i Bôlida. Nanamafy izay fahavononan'ny mpilalao izay ihany koa ny mpanazatra Nicolas Dupuis. Ity farany izay nilaza fa sitrana avokoa ireo mpilalao naratra, izay tsy afaka niatrika ny lalao voalohany nifandonan'ny Barea tamin'i Guinée.    
    Lire la suite ...
    • mardi, 25 juin 2019 22:47
    • Sary nomena

    Kitra-CAN 2019 : Tsara tso-drano hiatrika an'i Burundi ny Barea

    Tafaverina an-tanindrazana androany ny Minisitry ny tanora sy ny fanatanjahantena, Tinoka Roberto, rehefa avy nanotrona sy nankahery ary nanolotra vatsy, avy amin'ny filoham-pirenena Andry Rajoelina, ho an'ny ekipam-pirenena Malagasy amin'ny baolina kitra na Barean'i Madagasikara tany Egypta tamin'ny fiandohan'ny fiadiana ny Amboaran'i Afrika na CAN 2019. Nisy ny fihaonan'ny minisitra Tinoka tamin'ireo tomponandraikitra ambony mitantana ny baolina kitra aty Afrika (CAF) sy manerantany (FIFA), ary koa tamin'ireo minisitry ny spaoro avy amin'ireo firenena afrikanina tonga tao Egypta tamin'ny fanombohan'ny CAN. Tsara tso-drano, ary dia vonona ara-batana sy ara-tsaina hiatrika ny lalao amin'i Burundi ny Barea ny alakamisy 27 jona izao. (Jereo Sary Tohiny)
    Lire la suite ...
    • lundi, 24 juin 2019 10:35
    • Sary nindramina

    CAN 2019 - Barea: Natolotr'i Anicet an'ny filoha Rajoelina ny "maillot" nisalorany

    I Abel Anicet no mpilalao Malagasy voalohany nampidi-baolina voalohany tamin'ny fandraisana anjara voalohan'ny ekipam-pirenena Malagasy amin'ny fiadiana ny amboaran'i Afrika amin'ny baolina kitra. Natolotr'i Anicet ho an'ny filoha Andry Rajoelina ny ankajo nanaovany ka namonoany io baolina voalohany io, tamin'ny fifanandrinan'i Madagasikara sy Guinée. Ny ministry ny tanora sy ny fanatanjahan-tena Tinoka Roberto, izay misolotena ny fitondram-panjakana, manohana tanteraka ny ekipan'ny Barea, no nampitaina izany "maillot" izany, ka anome azy ny filoha Andry Rajoelina. Nirava ady sahala 2 noho 2 i Madagasikara sy Guinée tamin'io lalao omaly alina io. Carolus no namono ny baolina faharoa ho an'ny Malagasy. Nanohana an'ny Barea ara-bola 700.000.000 Ariary ny Fanjakana iatrehana ny CAN any Egypta. Nankasitraka ny zava-bitan'ny Barea tamin'ny lalao voalohany natrehiny omaly ny filoha Andry Rajoelina. (Jereo Sary Tohiny)  
    Lire la suite ...
    • dimanche, 23 juin 2019 14:50
    • Sary nindramina

    Kitra-CAN 2019: Madagasikara 2 - 2 Guinée

    Nirava ady sahala 2 noho 2 ny Barea Madagascar sy Guinée tamin'ny lalao voalohany natrehin'ny ekipa roa tonta ao amin'ny Vondrona B amin'ny CAN 2019. Nanokatra ny isa i Guinée, avy eo nosahalain'ny Barea. Nitarika 2 noho 1 i Madagasikara. Penalty no nahazoan'i Guinée ny baolina faharoa sy nampitovy ny isa. Abel Anicet, mpilalao malagasy, no voahosotra ho mpilalao mendrika tamin'io lalao alina tao amin'ny Kianjan'i Alexandrie io. Amin'ny alakamisy 27 jona ny lalao faharoa anaty Vondrona B hatrehin'i Madagasikara hifandonana amin'i Burundi. (Jereo Sary Tohiny)  
    Lire la suite ...
    • samedi, 22 juin 2019 21:02
    • Sary nomena

    Baskety-FIBA Afrique: Voafidy ho filohan'ny Faritra faha-7 i Ntsay Abel

    Nandritra ny kongresy faha-17 ny FIBA Afrique tanterahina ao Bamako renivohitr'i Mali, ny 22 sy 23 jona 2019, no nahavoafidy indray an'i Ntsay Abel ho filohan'ny Faritra faha-7, misy an'i Madagasikara, eo amin'ny taranja baskety. Tale jeneralin'ny Secren i Ntsay Abel, rahalahin'ny praiminisitra Ntsay Christian ihany koa. (Jereo Sary Tohiny)  
    Lire la suite ...
    • samedi, 22 juin 2019 11:51
    • Sary nindramina

    Kitra-CAN 2019: Hiakatra kianja ny Barea anio alina

    Hiatrika ny lalaony voalohany amin’ny CAN 2019 i Madagasikara anio. Guinée no hifandona amin’i Barea anio amin’ny 11 ora alina, ora eto Madagasikara, lalao hatao ao amin’ny kianjan’i Alexandrie. Iray vondrona B i Madagasikara sy Guinée.  
    Lire la suite ...
    • samedi, 22 juin 2019 10:47

    Kitra-CAN 2019: Isa tery 1 noho 0 no nandresen’i Egypta an’i Zimbabwe

    Nibata fandresena voalohany i Egypta, mpampiantrano, tamin’ny lalao voalohany natrehiny tamin’ity fiadiana ny amboaran’i Afrika andian’ny faha-32 ity. Nandresy tamin’ny isa tery, 1 noho 0, i Egypta nampian’ireo mpomba azy izay nameno kianja tombanana ho 74 000, sy teo imason’ny filoha Abdel Fattah al-Sissi, i Zimbabwe, tamin’ny lalao alina ; baolina matin’i Trezeguet teo amin’ny minitra faha-41.  
    Lire la suite ...
    • vendredi, 21 juin 2019 18:45
    • Sary nindramina

    Kitra - CAN 2019: Manomboka amin’ny ampahefa-dalana vao hampiasaina ny VAR

    Nilaza ny filohan’ny CAF na Kaonfederasiona Afrikanina amin’ny baolina kitra, Ahmad Ahmad, fa manomboka amin’ny dingan’ny ampahefa-dalana amin’ny fiadiana ny Amboaran’i Afrika amin’ny baolina kitra vao hampiasaina ilay fitaovana Assitance Vidéo (VAR) hanampy amin’ny fitantanana ny lalao eny ambony kianja. (Jereo Sary Tohiny)  
    Lire la suite ...
    • vendredi, 21 juin 2019 15:28
    • Tahirin-tsary

    Kitra - CAN 2019: Sambasamba ho an’i Burundi, Madagasikara ary Mauritanie

    Hanomboka anio ny lalao fiadiana ny Amboaran’i Afrika amin’ny baolina kitra na CAN 2019. Andiany faha-32 amin’ity. Hisantatra ny lalao i Egypta mampiantrano sy Zimbabwe. Ekipam-pirenena telo no sambany vao handray anjara amin’ny dingana famaranana amin’ny CAN dia i Burundi, Madagasikara ary Mauritanie. « Hiara-hirona manomboka androany », hoy i Andriatsima Faneva Ima, kapitenin’ny Barea Madagasikara, ao amin’ny pejy fesibokiny. « Omeo hery izahay, andao hifanohana tsy misy fepetra. Tokana ny Malagasy. BAREA ho an’ny Malagasy », hoy izy.    
    Lire la suite ...
    • jeudi, 20 juin 2019 13:26

    Kitra – CAN 2019: Ny Barea an’i Madagasikara no ekipa antitra indrindra

    Hanomboka ny zoma 21 jona izao any Egypta ny andiany faha-32, amin’ny fiadiana ny Amboaran’i Afrika amin’ny baolina kitra na CAN 2019. i Marc Lamti, vodilaharana amin’ny ekipan’i Tonizia, no zandriolona indrindra amin’ireo mpilalao hiatrika ity CAN 2019 ity. 18 taona sy 4 volana izao ny tovolahy. Metisy alemana i Marc Lamti, fa nisafidy ny hisalotra ny ankanjon’ny Aigles de Carthage Toniziana. Mila ravinahitra any Alemaina, milalao ao amin’ny Bayer Leverkusen izy. i Naby-Moussa Yattara, mpiandry haraton’ny ekipam-pirenen’i Guinée, kosa no mpilalao zokiolona indrindra amin’izy ireo. 35 taona sy 5 volana ny lehilahy ary milalao ao amin’ny klioban’ny AS Excelsior, atsy La Réunion no nalaina ho isan’ireo hiaro ny voninahitr’i Guinée, izay klioba iray vondrona amin’i Madagasikara, ary hihaona voalohany amin’ny sabotsy 22 jona 2019.
    Lire la suite ...
Page 1 sur 47