Filtrer les éléments par date : jeudi, 13 juin 2019

Fitaovana maro toy ny kidoro spaonjy sy hazo no potiky ny afo, androany, mandram-pahatongan’ny mpamonjy voina teny Ankorondrano - Antananarivo misy ny foiben-toeran’ny CNAPMAD, izay orinasam-panjakana mpanamboatra fitaovam-pianarana sy fampianarana.

 

Publié dans Tselatra

Tao amin’ny Distrikan’i Beloha Androy no navitrika ny mpifidy: 63,93% ; tena nalaina kosa ny mpifidy tao Antananarivo IV: 18,41%.

40,71% ny Taham-pandraisana anjara ankapobeny nanerana ny Nosy tamin'iny fifidianana solombavambahoaka notanterahina ny Alatsinainy 27 mey 2019 iny.

 

Publié dans Tselatra

Fitarainana sy fitoriana voaray hatramin’ny androany tamin’ny 11 ora maraina, nanaovan’ny CENI tatitra tamin’ny mpanao gazety io 71 io.

Nilaza Rakotonarivo Thierry, filoha lefitry ny CENI, fa mbola raisina ireo fitoriana mifandraika amin’ny tsy fanarahan-dalàna mandritra ny fampielezan-kevitra sy ny andro fandatsaham-bato hatramin’ny sabotsy 15 jona, fotoana hamoahan’ny CENI ny voka-pifidianana feno vonjimaika tamin’ny fifidianana solombavambahoaka.

Ho an’ireo fitoriana sy fitarainana mikasika ny tsy fanekena ny voka-pifidianana kosa dia 48 ora aorian’ny famoahan’ny CENI ny voka-pifidianana feno vonjimaika no ahafahana mandray izany eny anivon’ny Fitsarana avo momba ny Lalampanorenana (HCC).

 

Publié dans Tselatra

Asain’ny CENI Foibe hanatrika io famoahana voka-pifidianana feno vonjimaika io ireo solontenam-panjakana, ireo kandida nilatsaka hofidiana ho solombavambahoaka izay afaka, ny fiarahamonim-pirenena, ireo mpiaramiombon’antoka ary ny haino amanjery.

Nampahafantatra ny CENI androany fa aorian’ny famoahana ny voka-pifidianana tamin’iny fifidianana Solombavambahoaka farany teo iny dia miomana amin’ny fikarakarana ny fifidianana Ben’ny tanàna indray ny CENI.

Hisy avy hatrany aorian’ny famoahana voka-pifidianana ny fivoriamben’ireo birao maharitry ny CENI hamolavolana tetiandro sy tetibola mikasika izany.

 

Publié dans Tselatra

Nanambara ny CENI Foibe androany fa na dia tapitra ny 6 jona 2019 aza ny 10 andro omen’ny lalàna hanateran’ireo Mpanaramaso fifidianana, nahazo alalana avy amin’ny CENI tamin’iny fifidianana solombavambahoaka iny, hanaovana tatitra dia mbola mandray izany tatitra izany ny CENI.

 

Publié dans Tselatra

Maître Kelly Rasoanaivo no nampiditra ny “Aero-kick” teto Madagasikara. Haiady fitaizam-batana amin'ny alalan'ny mozika sy fihetsika “kick-boxing” ny “Aero-kick”, izay ao anatin'ny WAKA sy WAKO

Nosokafan’ny Aero-kick Rossary ho an'ny daholobe ny fiangaliana azy ity, tamin'ny 8 jona 2019 teo, mifanindran-dalana indrindra amin’ny fankalazana ny faha-25 taonan’ny Club Rossary, izay anasana ireo tia mitaiza vatana rehetra na lahy na vavy isaka ny Alatsinainy, Alarobia ary Zoma amin’ny ora isafidianana : 6h30-7h30 na 12h30-13h30 ary ny Sabotsy amin'ny 9h-10h ao amin'ny Dojo Rossary Mahamasina.

(Jereo Sary Tohiny)

 

 

Publié dans Sport

Mitaraina ireo mpiasa ECD (Emploi de Courte Durée) amin’ny fanjakana, fa hananika ny enim-bolana izao raha tapitra ity volana jona ity, no tsy nahazo karama. Tsy misy fanazavana ny antony, fa dia mitaintain-dava izahay mpiasa ECD, indrindra manoloana ny filazana fa tsy maintsy hanadio tontolon'ny ECD ny Fajankana, hoy izy ireo.

“Tena mijaly ny ankabeazanay ECD”, hoy hatrany izy ireo, satria “tsy velomin-dray aman-dreny intsony ny betsaka aminay fa efa mamelom-bady aman-janaka daholo, nefa izahay miasa ary mitana andraikitra maro amin'ny asam-panjakana”.

 

Publié dans Tselatra

Tonga nametraka fitoriana teny amin'ny Fitsarana avo momba ny Lalampanorenana Ambohidahy ireo kandidà avy amin'ny antoko Tiako i Madagasikara (TIM) sy avy amin'ny tsy miankina maromaro, ka nitohy tamin'ny valan-dresaka ho an'ny mpanao gazety izany, izay natao tetsy amin'ny LIVE HOTEL Andavamamba.

Nisy arak'izany ny fanehoan'izy ireo ny porofo tany amin'izy ireo nilazany ny tsy fanarahan-dalàna ataon'ny fitondram-panjakana sy ireo kandida ho solombavambahoaka miara-dia aminy.

(Jereo Sary Tohiny)

 

Publié dans Politique

Fitanana an-tsoratra ny voka-pifidianana (PV) avy amin'ny birao fandatsaham-bato miisa 837, avy amin'ny Distrika miisa 23, hatreto no neken’ny CENI, ary efa vita fampitahana teny amin'ny foibeny eny Alarobia – Antananarivo, araka ny fampitam-baovao ny fiandohan’ny tolakandro teo.

Nahitana tsy fitoviana ny 4 tamin’ireo fitanana an-tsoratra ireo, ka 2 avy ao amin’ny Distrikan’i Soalala, 1 avy ao Arivonimamo, ary 1 avy ao Ambositra.

Nanipika mazava ny CENI fa « tsy afaka manova na manitsy ny voka-pifidianana ny CENI na misy na tsia ny tsy fitoviana, aorian’ny fampitahana ». Manao fitanana an-tsoratra iraisana kosa ny kandida sy ny CENI halefa any amin’ny HCC, momba izay hita nandritra ny fampitahana.

Nanambara ny CENI fa anio Alakamisy 13 jona no fe-potoana farany ahazoana manatanteraka fampitahana ireo Fitanana an-tsoratra eny amin'ny foiben-toerany Alarobia.

(Jereo Sary Tohiny)

 

Publié dans Politique

Nobahanan’ireo sarety entin-tanana ny lalana tety Anosibe Tsena ny maraina teo, nanehoan’izy ireo ny tsy fankasitrahany ny fampiharana ny lalàna navoakan’ny Prefektiora ny famerana ny fotoana ahafahan’ny sarety sy posy mivezivezy eto Antananarivo Renivohitra.

Niditra an-tsehatra ny Polisy nandamina, dia nivaha ny sakana ary nisokatra ny làlana.

(Jereo Sary Tohiny)

 

Publié dans Tselatra
Page 1 sur 3