Sport

    • vendredi, 27 novembre 2020 20:47

    Taranja Judo : Hampiantrano ny fiadiana ny tompondakan’i Afrika i Madagasikara

    Hotanterahina ny 17 ka hatramin’ny 20 Desambra 2020 ny lalao afrikana iadiana ny tompondakan’i Afrika eo amin’ny taranja Judo, ka eto Madagasikara no handraisana izany, araka ny fampahafantarana nentin’ny minisitry ny tanora sy ny fanatanjahantena, Tinoka Roberto. Nankatoavin’ny Filankevitry ny Minisitra ny alarobia 25 novambra 2020 izany, ary napetraka mazava ireo fepetra rehetra ara-pahasalamana tsy maintsy harahana, toy ny fanaovana ny fitsirihana ara-pahasalamana, sy ny fanaovana Test PCR, mialoha ny hidirana eto Madagasikara sy hanaovana ny fifaninana. Fandrindrana ny fitaterana ireo atleta avy any Afrika ho tonga eto Madagasikara, fanaovana ny fifanintsanana tsy azo hatrehin’ny daholobe, fijanonana any amin’ny toerana hitobian’ireo mpanao fanatanjahantena rehefa tsy mandray anjara amin’ny fifaninana izy ireo, fametrahana arovava orona rehefa mivezivezy ivelan’ny toerana hifaninanana.  
    Lire la suite ...
    • mardi, 17 novembre 2020 22:06
    • Sary nindramina

    Kitra – Fifanintsanana CAN 2021 : Voatazon’ny Barea sahala 1 noho 1 ny Elefantan’i Côte d’Ivoire

    1 noho 1, io no isa nisarahan’ny Barea an’i Madagasikara sy ny Elefantan’i Côte d’Ivoire, nandritra ny lalao miverina natao tao amin’ny Kianja Barikadimy Toamasina androany tolakandro. Ny Ivoariana no nahatafiditra baolina voalohany teo amin’ny minitra faha-15, taorian’ny penalty nodakan’i Franck Kessié, izay isa tokana nentin’ny ekipa roa tonta niala sasatra. Nosahalain’ny Barea tamin’ny alalan’i Ibrahim Amada, kapiteny, tamin’ny daka mandrivorivo avy any amin’ny 30m, teo amin’ny minitra faha-51, ary io isa sahala 1 noho 1 io no nisarahan’ny roa tonta. Sambany teo amin’ny tantaran’ny lalao nifanandrinan’ny ekipam-pirenena malagasy sy ivoariana no ady sahala, fa saika nibata fandresena hatrany i Côte d’Ivoire. Samy manana isa 7 mitovy i Côte d’Ivoire sy Madagasikara taorian’ny andro fahaefatra ny lalao ao amin’ny vondrona K misy antsika. Nandresy 3 noho 0 an’i Niger i Ethiopie androany, lalao natao tany Ethiopie ary mametraka an’ity firenena ity eo amin’ny laharana fahatelo vonjimaika, manana isa 6, ao amin’ity vondrona K ity.
    Lire la suite ...
    • mardi, 17 novembre 2020 07:45

    Kitra – Fifanintsanana CAN 2021 : Anio ny lalao miverina Barea # Elefanta Côte d’Ivoire

    Ora sisa andrasana dia raikitra ny lalao miverina hifanandrinan’ny Barea an’i Madagasikara amin’ny Elefanta Côte d’Ivoire. Lalao izay hotanterahina ao amin’ny Stadium Barikadimy – Toamasina, anio amin’ny 4ora tolakandro ora eto Madagasikara. Ny taona 1977 no vita ny Stadium Barikadimy. Ny taona 2004 no nisy lalao iraisam-pirenena farany tao amin’ity kianja ity.  
    Lire la suite ...
    • dimanche, 15 novembre 2020 18:00
    • Sary nindramina

    Kitra - Barea : Ho anisan'ireo mpilalao hiatrika amin'ny Côte d'Ivoire i Zotsara

    Nodisoin’i Nicolas Dupuis, mpanazatra ny ekipam-pirenena malagasy amin’ny baolina kitra, ny resaka niely tamin’ny facebook fa voan’ny tsimokaretina Covid-19 i Zotsara, iray amin’ireo mpilalao 23 mandrafitra ny delegasiona malagasy miatrika ny lalao mandroso sy miverina amin’i Côte d’Ivoire. « Tsy araka ny feo mihely mahakasika an'i Zotsara, izay ao anatin'ny delegasiona tonga eto Toamasina, izay nolazaina fa hoe : « positif » dia voamarina tamin'ny fitiliana natao izao maraina izao fa « négatif » izy, ary ho anisan'ireo mpilalao hiatrika ny Côte d'Ivoire amin'ny talata izao. Ny staff rehetra koa dia tsy misy mitondra ny otrikaretina Covid-19 », hoy i Nicolas Dupuis.  
    Lire la suite ...
    • samedi, 14 novembre 2020 21:16

    Kitra – Fifanintsanana CAN : Samy efa ao Toamasina ny Barea an’i Madagasikara sy ny Elefantan’i Côte d’Ivoire

    Tonga io tolakandro io teto Madagasikara, ary samy efa ao Toamasina, toerana hanatanterahana ny lalao miverina hatao amin’ny kianja Barikadimy, ny talata 17 novambra 2020 ny Barea an’i Madagasikara sy ny Elefantan’i Côte d’Ivoire. Tonga mialoha ny Ivoariana, ary naneho fa tsy hitsangatsangana no ahatongavany eto Madagasikara fa mbola haka isa telo. Vonona hanarina ny lesoka sy handrombaka fandresena ihany koa ny Barea. Nanomana fitsenana manokana azy ireo hatreny Ambalamanasa, ka hatrao amin’ny Hôtel Calypso hitoeran’ny ekipam-pirenena malagasy, ny vahoakan’i Toamasina tamin’ny fahatongavan’izy ireo io tolakandro io.
    Lire la suite ...
    • samedi, 14 novembre 2020 09:26

    Kitra-Fifanintsanana CAN : Higadona anio ny Barea ary hiazo an’i Toamasina avy hatrany

    Ho tonga eny amin’ny seranam-piaramanidina iraisam-pirenena Ivato ny tolakandron’ny sabotsy 14 novambra ny Barea an’i Madagasikara, taorian’ny lalao mandroso nihaonany tamin’ny Elefantan’i Côte d’Ivoire ny alakamisy 12 novambra. Tsy hiala ao amin’ny faritry ny seranana ireo mpilalao, fa vao migadona dia handray fiaramanidina manokana hitondra azy ireo avy hatrany hiazo an’i Toamasina, hanomana ny fiatrehana ny lalao miverina amin’i Côte d’Ivoire ny talata 17 novambra ho avy izao, ao amin’ny Stadium Barikadimy. Niondrika an’isa 2 noho 1 ny Barea tamin’iny lalao mandroso iny, izay tafiditra amin’ny fifanintsanana isam-bondrona hiadiana tapakila ho amin’ny CAN hatao any Cameroun.  
    Lire la suite ...
    • jeudi, 12 novembre 2020 09:36
    • Sary nindramina

    Kitra-Fifanintsanana CAN 2021 : Anio ny lalao mandroso hihaonan’i Madagasikara sy Côte d’Ivoire

    Hotanterahina anio 12 novambra ao amin’ny Kianja Alassane Ouatara, Abidjan, ny lalao mandroso ifanandrinan’ny Barea an’i Madagasikara amin’ny Elefantan’i Côte d’Ivoire. Tafiditra amin’ny fifanintsanana isam-bondrona hahazoana ny tapakila ho amin’ny dingana famaranana ny fiadiana ny tompondakan’i Afrika, na CAN 2021, hatao any Cameroun ity lalao anio ity. Vonona ary tony dia tony ny Barea hiatrika ny lalao. Mitarika vonjimaika ny Barea, ao amin'ny Vondrona K, misy an'i Madagasikara, Etiopia, Côte d'voire ary Niger. Handeha mivantana amin’ny Televiziona Malagasy ny lalao anio. Amn'ny 7ora hariva, ora aty Madagasikara, no hanomboka ny lalao.
    Lire la suite ...
    • lundi, 09 novembre 2020 12:34

    Kitra-Fifanintsanana CAN 2021 : “Misy ny fahabangana goavana eo amin'ny mpilalaon’ny Barea”, hoy i Nicolas Dupuis

    Hotontosaina ao amin’ny Kianja Alassane Ouatara ao Abidjan ny alakamisy 12 novambra 2020 ny lalao mandroso hifanandrinan’ny Barea an’i Madagasikara amin’ny Elefantan’i Côte d’Ivoire. Amn'ny 7ora hariva, ora aty Madagasikara, no hanomboka ny lalao, izay tafiditra amin’ny fifanintsanana hahazoana ny tapakila hahatogavana amin’ny dingana famaranana ny fiadiana ny tompondakan’i Afrika amin’ny baolina kitra, na CAN 2021, izay hotanterahina any Cameroun. Nilaza i Nicolas Dupuis, mpanazatra ny ekipam-pirenena Malagasy na Barea fa “misy ny fahabangana goavana eo amin'ny mpilalao (Covid-19), mety ihany koa eo amin'ny fahazoan-dalana”. Na izany aza hoy izy dia mikaro-bahaolana amin'ny fiatrehanay ity lalao ity ny fitondram-panjakana. Tonga omaly ao Abidjan ny delgasiona tarihiny. Nanomana fandraisana sy fitsenana manokana ny delegasiona malagasy ireo Malagasy manorim-ponenana any Côte d'Ivoire.Ny Staff sy ny ankabeazan'ireo mpilalao kosa dia anio hariva no tonga ao Abidjan. Manomboka rahampitso sy ny alarobia ny fanazarantenan’ny Barea ao amin'ny Kianja Alassane Ouatara.  
    Lire la suite ...
    • vendredi, 06 novembre 2020 21:52

    Kitra - Fifanintsanana CAN Total Cameroun 2021 : Tsy atrehi-maso ny lalao mandroso sy miverina ifanandrinan’ny Barea sy ny Elefanta

    Nanapa-kevitra ny CAF fa hatao "à huit clos" ary tsy hasiana mpijery ny lalao rehetra mahakasika ny fifanintsanana CAN Total Cameroun 2021 hatao noho ny toe-javatra ara-pahasalamana mitranga ankehitriny vokatry ny Covid-19 sy mba hampirindra tsara ny lafiny ara-piarovana. Ho an’ny Barea sy ny Elefanta, dia hatao any Abidjan Côte d’Ivoire ny 12 novambra ny lalao mandroso, ary ao Toamasina ny lalao miverina eto Madagasikara ny 17 novambra. Hanomboka amin’ny 9 novambra izao ny fampivondronana ireo mpilalao ho an’ny ekipam-pirenena malagasy.  
    Lire la suite ...
    • jeudi, 29 octobre 2020 15:02
    • Sary nindramina

    Ahmad Ahmad : Nirotsaka hofidiana fanindroany ho filohan’ny CAF

    Nanao fanambarana ny alarobia 28 oktobra i Ahmad Ahmad fa kandida hirotsaka hofidiana ho filohan’ny Kaofederasiona afrikana ny baolina kitra na CAF. Ity teratany malagasy ity moa izao no filoha amperinasa, nitondra nandritra ny efa-taona ity vovonan’ny kitra ity aty Afrika. Namoaka fanambarana ny andron'io ihany ny federasiona malagasy ny baolina kitra na FMF, fa manolotra an’i Ahmad Ahmad ho kandida hofidiana filohan’ny CAF. (Jereo Sary Tohiny)
    Lire la suite ...
Page 1 sur 75