Politique

    • samedi, 28 novembre 2020 09:57
    • Zakaria
    • Sary nindramina

    Volavolan-dalàna mifehy ny teti-bola 2021 : Nolanian’ny Solombavambahoaka tamin’ny endriny nasiam-panitsiana

    Nolanian’ireo Solombavambahoaka ny alin’ny zoma 27 novambra 2020 teny amin’ny Lapan’i Tsimbazaza ny Lalàna mifehy ny fitantanam-bolam-panjakana ho amin’ny taona 2021. Rehefa avy nodinihin’ny vaomieran’ny ara-bola sy ny teti-bola nandritra ny andro vitsivitsy dia nentina teo amin’ny fivoriambe azon’ny besinimaro atrehina ary nolaniana tamin’ny endriny nasiam-panitsiana. Solombavam-bahoaka miisa 97 tonga nanatrika ny fivoriam-be teny amin’ny Antenimieram-pirenena no nandany ny volavolan-dalàna laharana 016/2020 mifehy ny teti-bolam-panjakana 2021 rehefa nasiam-panitsiana. Raha ny voarakitra ao anatin'ity lalàna ity dia tombanana ho 4,5% ny tahan'ny fitombon'ny harin-karena faobe ho an'ny taona 2021. Nitondran’ny Solombavam-bahoaka fanintsiana ny mahakasika ny fanafoanana ny hetra alaina amin'ny tataom-bidy (TVA) eo amin’ny famarotana volamena ao amin’ny Banky Foiben’i Madagasikara. Izany no natao dia mba ho fanamafisana ny fananganana ny tahirin’ny volamena ao amin’ny Banky Foiben’i Madagasikara.
    Lire la suite ...
    • vendredi, 27 novembre 2020 20:03
    • Zakaria
    • Sary nindramina

    Etazonia : Niarahaba an’i Joe Biden amin’ny nahavoafidy azy ho filoha i Xi Jinping fa hifanaja

    Nandefa taratasy fiarahabana an’i Joe Biden, ny 25 novambra 2020, amin’ny nahavoafidy azy ho filohan’i Etazonia ny filohan’i Chine, Xi Jinping. Tokony halavirina ny ady na koa fifanandrinana hoy i Xi Jinping tamin’ny taratasiny, fa hifanaja anatin’ny fiaraha-miasa mba samy hahazo tombontsoa hahafahana mahita fandriampahalemana sy fampandrosoana.  
    Lire la suite ...
    • vendredi, 27 novembre 2020 17:06
    • Zakaria
    • Sary nomena

    Analamanga : Nisantarana ny fankalazana ny andro iraisam-pirenena ho an’ny Faritra

    Nankalazaina ny Alakamisy 26 novambra 2020, teny amin’ny Lapan’ny Fanatanjahantena Mahamasina ny Andro iraisam-pirenena ho an’ny Faritra. Notsiahivin’ny Praiminisitra Ntsay Christian, izay nanome voninahitra ny lanonana, fa mpikambana ao anatin’ny Vondrona Afrikana i Madagasikara, ary ny fototra iorenan’izany Vondrona izany dia mametraka antsika ao anatin’ny lalantsaina goavana hidirantsika amin’ny fitsinjaram-pahefana. Efa napetraka, hoy ny Lehiben’ny governemanta, ny fototra hanatanterahana ny fitsinjaram-pahefana, ary zavatra telo no natao tamin’izany. Fametrahana fomba fiasa amin’ny alalan’ny fanomezana fahefana ireo governoram-paritra handray andraikitra avy hatrany amin’ny famahana ny olana eny ifotony manoloana ny fahataran’ny fampandrosoana, fa tsy voatery hiandry ny fitondrana foibe ; izy ireo rahateo no tena mahafantatra ny olana misy any amin’ny Faritra nanendrena azy ireo. Taratry ny finiavana hiroso amin’ny fitsinjaram-pahefana izany, hoy ihany ny Praiminisitra.
    Lire la suite ...
    • mardi, 24 novembre 2020 13:43
    • Zakaria
    • Sary nindramina

    Marc Ravalomanana : “Tsy laharampahamehan’ny mpitondra ny tantsaha”

    Mitaraina ny ankamaroan’ny tantsaha any Soavinandriana Itasy fa tsy misy ny fanohanana na ny fanampiana azy ireo. Misondrotra be ny vidim-piainana ka na ny vidin’ny vary aza dia mila ho tsy zakan’izy ireo intsony. Nidina tany an-toerana, ary “nahita maso izany aho”, hoy ny filoha teo aloha Marc Ravalomanana. “Rehefa nojereko, hoy ity farany, ny tetibolam-panjakana amin’iny taona 2021 iny na ny LFI 2021, dia hita taratra fa mbola tsy hisy mihitsy izany fanohanana ny tantsaha izany. Ny tetibolan’ny ministeran’ny fambolena aza nihena 12,70% be izao raha ampitahana tamin’ny LFR 2020 teo”, araka ny fanamarihana nataony.
    Lire la suite ...
    • lundi, 23 novembre 2020 11:39
    • Zakaria
    • Sary nindramina

    Centre du Jour- Mahazoarivo : Nahazo fampitaovana hiofanan’ny ankizy

    Nisitraka fanomezana avy amin'ny anaran'ny antoko Freedom ireo ankizy sahirana karakarain'ny Centre du Jour, an'ny S.O.S Village d'Enfants eo Mahazoarivo-Antsirabe. Ny Alahady 22 novambra no nanalorana izany, notarihin-dRtoa Rakotondrazafy Lalatiana, filohan'ny antoko. Fitaovana ahafahan'ireo zatovo manampy azy amin'ny fiofanana arak'asa ataony ireto natolotra ireto, toy ny milina fanjairana ho an'ireo zatovovavy, fitaovana ho an'ny fanorenana sy fandrafetana kosa ho an'ny zatovolahy. Nambaran'ny Dr Aimé Joachin, Talen'ny toby fa manampy be ireo ankizy tezaina ny fahazoana ireo fitaovana ireo. Ankizy miisa 150 no ao amin’ity toby ity, ary mpampianatra sy tompon'andraikitra ara-tsosialy miisa 11 no miahy sy manabe azy ireo, izay tsy kilasy mandry akory fa mianatra ivelan'ny Toby. (Jereo Sary Tohiny)
    Lire la suite ...
    • lundi, 23 novembre 2020 09:38
    • Super User
    • Sary nindramina

    EPP Ambodimanga Vohémar

    Io edy raha nikoragniko aminandre SAVA agny ein. Haiko andre efa nagnefa latety tamin'ny fanjakana, taxe et TVA, fa na andre manery fanjakana nagnifanareo latety hagnamboatra lékolinandre, na amboara lékoly hianaran'ny zanakandre, lavanio 10kg fo efa mahavita izy ndreo, mba tsy mipaka amin'ny gôdra zanakandre. Ny ndry havatsika kony lekolin'ny zanakandreo manarapenitry ein. Mifohaza hely fa matôro.Patrick (Sary nindramina EPP AMBODIMANGA BELAMBO DISTRICT VOHEMAR, RÉGION SAVA)
    Lire la suite ...
    • lundi, 23 novembre 2020 08:40
    • Super User
    • Sary nindramina

    Raharam-panjakana : Tsy misy toeran'ny vady eo amin'ny fitondrana firenena

    Matetika isika dia disoana amin'ny hoe ny vadin'ny filoham-pirenena dia Renin'ny Malagasy, dia mandray andraikitra ho an'ny mpiara-belona sy ny Malagasy. Misy aza omena birao sy harifenitra manokana mihitsy. Lazaina fa 1ère dame ny vadin'ny Filoham-pirenena. Ary izay aza no hiantsoana azy maneran-tany. Ny Lalampanorenana dia mazava be fa tsy misy toeran'ny vady na ny kely aza amin'ny fitantanan-draharahan'ny Firenena, tsy misy vola na fitaovana azony ampiasaina, ankoatra ireo tombontsoa natokana ho an'ny Filoham-pirenena sy ny fiahiana ny vady aman-janany ary ny fiarovana azy ireo. Na ny harofenitra ofisialy aza tsy miresaka ny vadin'ny Filoham-pirenena sy ny vadin'ireo mpitondra voafidy na voatendry ambony. Mijanona ho fombafomba ihany izany ny toeran'ny vady. Rehefa misy fety, na misy lanonana dia omena ny toerany kosa izy, tsy miray dia, na fiara, amin'ny Filoha akory aza izy rehefa lanonana ofisialy.
    Lire la suite ...
    • jeudi, 19 novembre 2020 19:29
    • Zakaria

    Fifidianana Loholona : Raikitra ny fampielezan-kevitra

    Nanomboka androany alakamisy 19 novambra tamin’ny 6 ora maraina ny Fampielezan-kevitra amin'ny fifidianana LOHOLONA, ary hitohy hatramin’ny alarobia 9 desambra amin’ny misasakalina. Hotanterahina ny andron’ny 11 desambra 2020 ny latsabato. Mpifidy vaventy miisa 12 465 manerana ny Nosy no antsoina hanefa ny adidiny amin’izany, izay mitsinjara ho 2 428 ho an’ny Faritany Antananarivo, Antsiranana : 1 414, Fianarantsoa : 3 144, Mahajanga : 1 785, Toamasina : 1 854 ary Toliara : 2 140. Nanamafy ny Tiako I Madagasikara, nandritra ny fivoriany omaly, fa tsy mandray anjara amin’io fifidianana io.
    Lire la suite ...
    • jeudi, 19 novembre 2020 12:06
    • Super User

    Aoka izay ny ady eo amin'i Ravalomanana sy Rajoelina

    Tsaroanay ianao Papy heritaona lasa nandehananao Aoka izay ny ady eo amin'i Ravalomanana sy Rajoelina Feno herin-taona androany ny nahafatesan'i Zokibe Venance, ny Raiko, Raharimanana Roger Venance.Mpampianatra Tantara sy sosiolojia ary mpampianatra mpikaroka teny amin'ny Oniverité izy.Mpanao politika tao amin'ny Vonjy iray tsy mivaky. Nisedra ny tolona maro tamin'izany sehatra izany. Anisan'ny fotokevitra nijoroany ny fampandrosoana ny faritra, ary nitaky ny fametrahana ny fitantanana ny firenena ao anatin'ny rafitra federaly na ny Etat fédéral izy.Olon'ny fihavanana i Zokibe Venance, tsy tia fanavakavahana nefa kosa nitaky ny fitovian'ny rehetra, indrindra ny faritra rehetra manerana ny Nosy amin'ny fampandrosoana ao aminy.
    Lire la suite ...
    • mercredi, 18 novembre 2020 09:13
    • Tigre
    • Sary nomena

    Toamasina: Misitraka tetik’asa maro

    Tonga aty Toamasina ny Delegasiona avy amin’ny Fiadidiana ny Repoblika sy mpikambana amin’ny Governemanta izay tarihin’ny Filoha Andry Nirina RAJOELINA. Eo an-daniny ny fanatrehana ny lalaon’ny ekipam-pirenena BAREA, dia manana fandaharam-potoana mafonja ny Fitondram-panjakana. Dia lanonam-pitokanana sy fitsidihana asa goavana eto an-drenivohitra Betsimisaraka sy ny manodidina :
    Lire la suite ...
Page 1 sur 142