Editorial

    • vendredi, 27 novembre 2020 16:28

    Mety mahasoa anao : Atao ahoana mandavaka carreau

    Maro ireo antony mety andavahana carreau efa vita mipetaka. Anantonana porte serviette, porte savon, porte rideau, na ampidirana robinet... Mora vaky anefa ny carreau ary tsy voatery eo anelanelan'ny carreau 2 no asiana lavaka fa eo afovoan'ilay carreau mihitsy. - Farito asio marika stylo na feutre ilay toerana tiana lavahana,- Mangalaha perceuse na ireny devisseuse ireny,- Mangalaha scotch ruban transparent na scotch taratasy (bande adhésive),- Asio scotch ohatran'ny croix, ka eo afovoan'ilay croix, fa tazana ety ambony, ilay faritra ho lavahana,- Mampiasaha aloha mèche béton kelikely, mèche 4 na 6 aloha, io dia ampy raha vis anantonan-javatra fotsiny no ilana ilay lavaka,- Dia apetaka eo amin'ilay faritra ho lavahana misy ilay scotch eo amboniny ny perceuse, dia lavahana alefa moramora aloha ny perceuse mandram-pidirany anaty carreau, rehefa gorobaka ny carreau dia tohizana ny fandavahana ilay rindrina ao ambaniny.
    Lire la suite ...
    • mercredi, 25 novembre 2020 11:19

    Fiainana : Masahia manakatona varavarana iray, hisokafan'ny varavarana hafa

    Indraindray toa tsy mandroso mihitsy ny fiainana, fa miodikodina eo, eny mihemotra mihitsy aza. Mety misy fahaverezana asa, tsy fahafahana fanadinana, famoizana havana akaiky, fisarahana amin'ny olon-tiana, tsy fisian'ny fahafinaretana iaina intsony mihitsy aza ny an'ny sasany. Toa mikatona avokoa izay aleha. Teraka ny fahakiviana. Zavatra mety hitranga avokoa izany. Zava-dehibe ny mivavaka amin'Andriamanitra ho an'izay mino. Masahia manova fiainana, ka ny zavatra manodidina anao no iangan'izany. Tsy voatery hanam-bola, na ovaina fotsiny aza ny fipetraky ny fanaka ao an-trano, ny fitodiky ny fandriana, ny seza sy ny lakozia. Fotoana iray iny anadiovana ihany koa ny trano, anariana ireo zavatra tsy ilaina, ampirimanana ireo taratasy. Ilàna fotoana kely izay, fa ilaina izay anovana ny maso sy ny fijery, satria io zavatra jerenao isan'andro io no mibaiko ny sainao mangina.
    Lire la suite ...
    • lundi, 23 novembre 2020 16:43

    Mety mahasoa anao : Ahoana ny fanamboarana siniben-drano

    Maro ny antony mety ilana siniben-drano, na anangonana ranon'orana, na anaovana fitehirizana rano avy any anaty vovo, na kely loatra ny tsindrin'ny rano na pression rano Jirama ka ilana ampiakarina ambony mba hisitraka rano ny eny amin'ny rihina ambony. Mitovitovy avokoa ny fanamboarana azy, fa miankina amin'ny tiana ampiasana azy. 1- Inona no safidy akora anamboarana azy Ny tsotra indrindra dia ny mividy ny efa vita amin'ny plastique ireny, fa somary lafo ny vidiny. Indraindray misy fofona ny plastique.Azo atao koa ny mampiasa ireny barika plastique manga ireny, na ireny carré fotsy misy vy manamafy ireny, diovy tsara amin'ny savony vovony, fa matetika barika avy nasiana akora simika izy ireny. Raha misafidy ny anamboatra azy amin'ny béton, na biriky nolalorina ciment kosa dia mety ihany koa.
    Lire la suite ...
    • samedi, 21 novembre 2020 10:50

    Fivezivezena : Aoka hitovy eo ambanin'ny lalàna ny rehetra

    Miangavy anao andriamatoa Prefet Antananarivo andràra ny hanaovan'i Jerosalema fety ao amin'ny Coliseum Antananarivo. Mazava ny noty navoakan'ny ACM fa tsy misy vahiny avy any Nosy be mandeha aty Antananarivo. Ny fanekenao izany dia manosika ny rehetra tsy hanaja ny lalàna hamehezana ny rehetra tsy hivezivezy hivoaka ny faritry Madagasikara, ka aza omena tsiny raha samy tsy anaraka ny lalàna izay ianareo ihany no nametraka azy. Mahatsiaro voahitsakitsaka ny zo fototra ahafahan'ny rehetra mivezivezy malalaka hitovizan'ny rehetra izahay. Patrick
    Lire la suite ...
    • jeudi, 19 novembre 2020 11:09

    Une vie pleine,

    Une vie pleine,Raharimanana Roger Venance, dit Zokibe Venance Ce proverbe existe, adala ny toa an-drainy. Est fou celui qui ressemble à son père. Mais quand vous avez un père que tous appellent Zokibe Venance, vous vous dites, ce n’est pas grave, soyons fou, prenons-le en exemple, tsy maninona, aleo ho adala, soyons comme lui. Un homme qui a pris soin de ne jamais faire de mal à son prochain. Un homme qui a toujours pensé au bien de tous. Un homme ouvert, toujours à l’écoute, toujours avec un conseil et une sagesse à partager, de l’humour et un sourire facile. Cette image, c’est celle qu’il a auprès de beaucoup, ce n’est pas une image fabriquée, il est comme cela dans son foyer. Avec nous tous ses enfants et proches. Il se lève avant tout le monde, prépare le thé ou le café de tout le monde. Partage le pain. Partage le sosoa. Partage le riz. Nous l’avons toujours connu comme ça. Il a eu une longue histoire qui explique pourquoi il est comme ça. Vous ne le savez peut-être pas, vous le savez peut-être. Nous ne pouvons pas prendre le temps de tout vous raconter, mais permettez que l’on vous donne quelques lignes, quelques passages marquant de sa vie.
    Lire la suite ...
    • lundi, 16 novembre 2020 08:04

    Mety mahasoa anao : Inona no atao raha te hiasa tena

    Maro ny antony mety te hiasana tena. Ao ny mitady asa nefa tsy mety mahita, ao kosa no manana finiavana te ahaleo tena hanao ny fitadiavany manokana, ao no te hanangana ny orinasany. 1- Fahasalamana Tsy mora ny manangana orinasa, ary hisahana mpiasa maro rehefa avy eo. Mila jerena dieny mialoha ny ara-pahasalamana. Tsy voatery ho olona matanjaka akory, na hoe raha misy aretina mitaiza dia tsy ho afaka anana ny orinasan'ny tena, fa fantaro mialoha ny toe-pahasalamana. Mety hiasa saina betsaka, mety hanao asa vatana ary hisy stress betsaka, mety tsy ho ampy toro-maso, tara sakafo, tsy hanana congé sy week-end. Mety hiakatra tosi-drà mihitsy. Mila alamina izany io resaka fahasalamana io, mba tsy hiantraika amin'ny toe-batana ny asa atao.
    Lire la suite ...
    • samedi, 14 novembre 2020 09:35
    • Photo net

    Commune d’Antananarivo : Un projet de déchéance contre Clémence Raharinirina

    Le camp du maire d’Antananarivo Franck Michel Niaina Andriantsitohaina aurait ourdi un plan de déchéance contre la conseillère municipale Clémence Raharinirina, une élue IRK. Une requête dans ce sens a été déposée auprès du tribunal administratif d’Antananarivo, d’après l’intéressée elle-même et ses pairs de la liste Komba, à savoir Hilda Hasinjo Ravelonahina et Toavina Ralambomahay. Le trio, avec les élus territoriaux du parti TIM, est une bête noire du chef de l’exécutif de l’administration municipale de la capitale. C’est pour la troisième fois que le maire a porté une plainte contre le même membre de l’organe délibérant de la ville ces dernières semaines.Raharinirina est victime d’acharnement, selon Ralambomahay.
    Lire la suite ...
    • vendredi, 13 novembre 2020 11:43
    • Tahirin-tsary fampihaingoana

    Teti-bola : Efa nanomboka ny fanadinana, tsy mbola tonga ny laza adina

    Endrika toy izany ny zava-misy eny amin'ny Antenimieram-pirenena. Araka ny andininy faha-75 voalaza ao amin’ny Lalàmpanorenana, dia mivory indroa isan-taona ny Antenimieram-pirenena, ka ny fivoriana faharoa amin’izany dia ny Talata fahatelo amin’ny volana oktobra, fivoriana izay natao indrindra handinihana ny Teti-bolam-panjakana ho amin’ny taona manaraka. Nanomboka ny 20 oktobra 2020 ny fivoriana ara-potoana faharoa ny Antenimieram-pirenena. Hatreto anefa ny 13 novambra dia mbola tsy eny am-pelatanan'ireo Solombavam-bahoaka ny volavolan-dalàna mahakasika ny teti-bolam-panjakana ny taona 2021, izay ny Governemanta no tokony hanolotra mialoha izany. Mbola mandalo ihany koa amin'ny Loholona moa io tolo-dalàna io.
    Lire la suite ...
    • mardi, 10 novembre 2020 17:27

    Mety mahasoa anao : Ahoana ny fanamboarana zaridaina eny ambony tafo

    Ho an'ny ety an-tanandehibe, dia lafo ny vidin'ny tany, ka mety zara raha ny trano ihany no azo ahorina, na te hanana trano hafa ihany koa. Azo atao tsara izany ny manisy zaridaina maitso, misy voninkazo, misy hazo fihinamboa, na salady, na tomate, na ovy. Atsangana ny trano, tsy maintsy misy fototra mafy sy mahazaka tsara, misy poteaux sy poutres béton armé. Rehefa tonga amin'ny rihina farany, dia asiana dalle 10cm ny hateviny, ka ny plafond avy ato ambany dia marindrano amin'ny maha plafond anatiny azy, fa ny ao ambony kosa dia asiana pente kely manary rano, ary hodidinina poutre béton armé ihany koa, sady ceinture farany iny. Ny tanjona izany dia azahoana bac à fleur ngeza be, izany hoe ohatran'ny piscine kely eo amin'ny 30-40cm eo ny alaliny, ka manary rano midina. Ery amin'ny pente farany ambany,dia asiana Tuyau PVC-60 anariany rano, ka iny tuyau iny dia taritina ao amin'ny gouttière na chéneau mpitaty rano.
    Lire la suite ...
    • lundi, 09 novembre 2020 10:02

    Fampianarana: Fototry ny Firenena iray

    Misy fitenenana malaza hoe "Raha tiana ho potehina ny firenena iray, dia poteho ny fampianarana ao aminy", ary miampy ny hoe "Habadoy ny mponina ao", sy ny hoe "Poteho ny kolo-tsaina sy ny tantarany". Ny Malagasy dia tia mampiana-janaka, nefa tia mifidy mpitondra tsy nianatra.Toa mifanipaka ihany raha ny fijery ivelany. Ny tanora dia maka modely ireo olona lazaina fa tafita eo amin'ny fiaraha-monina, na mpanan-kanto io, na mpanao fanatajahan-tena, na olona mpanefoefo manan-karena ivelany. Matetika anefa ireny olona misongadina ireny, dia olona noheverina fa resy tantereka teo amin'ny fiaraha-monina, fa noho ny ezaka nataony, na noho ny antony maro dia tafavoaka ka dia malaza. Mety olona tsy nianatra firy matetika. Maro ihany koa ireo mpanao politika, na mpitondra, eny hatramin'ny député, minisitra, filoham-pirenena no tsy manana mari-pahaizana firy, fa tafita tamin'ny fiaraha-monina dia lasa modely, ary mamin'ny olona. Ireny anefa dia azo singanina anatin'ny maro, ka tsy azo atao filamatra na fitaratra, satria singa vitsy mihavaka na maningana ihany izy ireny.
    Lire la suite ...
Page 1 sur 75