Tohana ho an’ny fizahantany: Tena adino tanteraka i Ranohira Isalo

  • mardi, 11 août 2020 19:09
  • Sary nindramina

Toerana manana ny lazany amin’ny fizahantany eto Madagasikara i Isalo, ao amin’ny Kaominina Ranohira, Faritra Ihorombe. Toerana faharoa mahasarika mpizahatany betsaka aorian’i Nosy-Be izy.

Voadona mafy tao anatin’izao fahamehana ara-pahasalamana noho ny valanaretina coronavirus izao ny fizahantany ao Isalo. Mahatsiaro tena adino tanteraka ity faritra ity sy ireo mpisehatra ara-pizahantany ao an-toerana.

Tsy mba misitraka fanampiana, tsy misy resaka ny amin’ny hamerenana ny fizahantany ao an-toerana, nefa io no isany tena iankinan’ny fiveloman’ny mponina ao an-toerana.

Mangataka ireo mpandraharaha ao Ranohira Isalo ny amin’ny tokony hanokafana ny fizahantany tahaka ao Nosy-Be, manomboka ny volana oktobra.

Manamafy ny fangatahan’ny mpandraharaha ara-pizahantany any Isalo io, ny solombavam-bahoaka voafidy tao Ihosy, Rakotomamonjy Neypatraiky André.

 

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.